നിങ്ങൾ ഇതൊരു കല്പിതകഥയായി കരുതിയേക്കാം. എന്നാൽ മൂന്നാം ലോകമഹായുദ്ധത്തെ അതിജീവിക്കുന്നവർ ഞാൻ ഈ പറഞ്ഞ കാര്യങ്ങൾക്ക് സാക്ഷ്യം വഹിക്കുന്നതാണ്. ഇവ സർവശക്തനായ ദൈവത്തിന്‍റെ വചനങ്ങളാണ്. അവ നിറവേറ്റപ്പെടുക തന്നെ ചെയ്യും. അവന്‍റെ ഹിതത്തെ തടയാൻ ആരാലും സാധ്യമല്ല.

മൂന്നാം ലോകമഹായുദ്ധത്തിന്‍റെ അന്ത്യം ഇസ്‌ലാമിന്‍റെ വിജയത്തിന്‍റെ തുടക്കമായിരിക്കും. ജനങ്ങൾ കൂട്ടംകൂട്ടമായി അതിന്‍റെ സത്യം അംഗീകരിക്കുകയും ഇസ്‌ലാം മാത്രമാണ് സത്യമതമെന്നും മനുഷ്യവിമോചനം മുഹമ്മദ് നബി(സ)യുടെ സന്ദേശത്തിലൂടെ മാത്രമാണ് സാധ്യമാവുക എന്നവർ തിരിച്ചറിയുകയും ചെയ്യും.

എന്നാൽ മാന്യജനങ്ങളെ, എല്ലാ പ്രവചനങ്ങളെയും പോലെ ഈ പ്രവചനവും ഒരു മുന്നറിയിപ്പാണെന്ന കാര്യം നാം മറന്നുകൂടാ. മനുഷ്യൻ തന്‍റെ നാഥനിലേക്ക് മടങ്ങുകയും തന്‍റെ മാർഗങ്ങളിൽ പശ്ചാത്തപിക്കുകയും തിരുത്തുകയും ചെയ്യുകയാണെങ്കിൽ ഇതിന്‍റെ പൂർത്തീകരണം വൈകിപ്പിക്കാനോ അല്ലെങ്കിൽ മാറ്റിമറിക്കാനോ പോലും കഴിയുന്നതാണ്. സമ്പത്തിന്‍റെയും അധികാരത്തിന്‍റെയും പ്രശസ്തിയുടെയും വ്യാജ ബിംബങ്ങളെ ആരാധിക്കുന്നത് അവൻ അവസാനിപ്പിക്കുകയും തന്‍റെ നാഥനുമായി യഥാർഥ ബന്ധം സ്ഥാപിക്കുകയും എല്ലാ അതിക്രമങ്ങളിൽ നിന്നും വിട്ടുനിൽക്കുകയും ദൈവത്തോടും മനുഷ്യനോടുമുള്ള തന്‍റെ കടമകൾ നിറവേറ്റുകയും യഥാർഥ മാനവക്ഷേമത്തിനായി പ്രവർത്തിക്കാൻ പഠിക്കുകയും ചെയ്താൽ അവന് ഇനിയും ആ ദൈവിക ശിക്ഷയെ തടയാനാകും. ഇതെല്ലാം തന്നെ ഇന്ന് ലോകത്ത് ആധിപത്യം പുലർത്തുന്ന, സമ്പത്തിന്‍റെയും അധികാരത്തിന്‍റെയും പ്രശസ്തിയുടെയും ലഹരിയിൽ ഉന്മത്തരായിക്കിടക്കുന്ന രാഷ്ട്രങ്ങളെയാണ് ആശ്രയിച്ചിരിക്കുന്നത്. ഈ മയക്കത്തിൽ നിന്ന് മോചിതരാകാൻ അവർ തയ്യാറാണോ? ആത്മീയമായ ആനന്ദവും നിർവൃതിയും അവർ ആഗ്രഹിക്കുന്നുണ്ടോ?

ഇല്ല എന്നാണെകിൽ ദൈവിക ശിക്ഷ ഇറങ്ങുക തന്നെ ചെയ്യും. അവർ തങ്ങളുടെ ദുർമാർഗങ്ങൾ കൈവെടിയാതെ തങ്ങളുടെ ധാർഷ്ട്യം തുടരുകയാണെങ്കിൽ, വാഗ്ദത്തം ചെയ്യപ്പെട്ട ആ ശിക്ഷയിൽ നിന്ന് ഒരു ശക്തിക്കോ ഒരു വ്യാജ ദൈവത്തിനോ അവരെ രക്ഷിക്കാനാവുകയില്ല.

അതിനാൽ നിങ്ങളോടും നിങ്ങളുടെ മക്കളോടും നിങ്ങൾ കരുണ കാണിക്കുക! പരമകാരുണികനും കരുണാമയനുമായ നിങ്ങളുടെ നാഥന്‍റെ ശബ്ദത്തിന് കാതോർക്കുക. അവൻ നിങ്ങളെ കാരുണ്യത്തോടെ നോക്കുകയും സത്യം സ്വീകരിക്കാനും അതിൽ നിന്ന് പ്രയോജനമുൾക്കൊള്ളാനുമുള്ള കരുത്തും അവസരവും അവൻ നിങ്ങൾക്ക് നല്കുകയും ചെയ്യട്ടെ.