ഈ സംഭവം വിവരിച്ചു കൊണ്ട് അഹ്‌മദിയ്യ  ജമാഅത്തിന്‍റെ രണ്ടാം ഖലീഫ ഹദ്റത്ത് മിര്‍സാ ബശീറുദീൻ മഹ്‌മൂദ്‌ അഹ്‌മദ്‌(റ) എഴുതുന്നു:

“ഇസ്‌ലാം വാളു കൊണ്ടല്ല വിജയം നേടിയത്. പകരം, ഹൃദയങ്ങൾ കീഴടക്കുകയും ധാര്‍മികത പ്രചോദിപ്പിക്കുകയും ചെയ്യുന്ന ഉന്നതമായ ഒരു രീതിയാണ് ഇസ്‌ലാം അവലംബിച്ചത്. മുസ്‌ലിങ്ങളെ ഒറ്റിക്കൊടുക്കുകയും ഇസ്‌ലാമിനെതിരിൽ പോരാടുകയും ചെയ്ത ഒരു ജനതയുടെ അതിഥിയായതാണ് താൻ ഇസ്‌ലാം സ്വീകരിക്കാൻ കാരണമായത് എന്ന് ഒരു അനുചരൻ പറയുകയുണ്ടായി. ബിഅ്റ് മഊന സംഭവത്തിൽ ഖുര്‍ആൻ മനഃപാഠമാക്കിയ പലരെയും അവർ വധിച്ചു. അവരിൽ ഭൂരിഭാഗവും രക്തസാക്ഷികളായി. ബാക്കിയുള്ളവർ ഒരു കുന്നിൻ മുകളിൽ ഒത്തുകൂടി. ശത്രുവിന്‍റെ എണ്ണം താരതമ്യേന വളരെ കൂടുതലായിരുന്നു. കൂടാതെ യുദ്ധത്തിന് സജ്ജരുമായിരുന്നു. അവർ മുസ്‌ലിങ്ങളെ ഒന്നൊന്നായി കൊന്നൊടുക്കി, പ്രവാചകൻ(സ)യുടെ പലായന വേളയിൽ കൂടെയുണ്ടായിരുന്ന ഒരു സഹയാത്രികൻ മാത്രമേ അവശേഷിച്ചിരുന്നുള്ളൂ. അദ്ദേഹത്തിന്‍റെ പേര് ‘ആമിർ ബിൻ ഫുഹൈറ’ എന്നായിരുന്നു. അവർ അദ്ദേഹത്തെ പിടിക്കുകയും കുന്തം കൊണ്ട് കുത്തുകയും ചെയ്തു. അവർ അങ്ങനെ ചെയ്യുന്നതിനിടയിൽ, അദ്ദേഹം പറഞ്ഞു, ‘കഅബയുടെ നാഥനെ കൊണ്ട് സത്യം,  ഞാൻ വിജയിച്ചു. ഇത് കേട്ട, പില്‍ക്കാലത്ത് ഇസ്‌ലാം സ്വീകരിച്ച ആ അനുചരൻ ചിന്തിച്ചു,  ഈ വ്യക്തി തന്‍റെ കുടുംബത്തിൽ നിന്നും ഭാര്യയിൽ നിന്നും മക്കളിൽ നിന്നും വളരെ അകലെയാണ്. മരണാസന്നനായ സമയത്തും ഞാൻ വിജയിച്ചിരിക്കുന്നു എന്ന് പറയുന്ന ഇയാള്‍ക്ക് ഭ്രാന്തുണ്ടോ! എന്തുകൊണ്ടാണ് അദ്ദേഹം ഇത്തരമൊരു കാര്യം പറഞ്ഞതെന്ന് അറിയാൻ അദ്ദേഹം ചുറ്റുമുള്ളവരോട് ചോദിച്ചു,  അദ്ദേഹം ഒരു മുസ്‌ലിമാണെന്നും  മുസ്‌ലിങ്ങള്‍ക്ക് ശരിക്കും ‘ഭ്രാന്താണ്’ എന്നും അവർ പറഞ്ഞു. അല്ലാഹുവിന് വേണ്ടി മുസ്‌ലിങ്ങൾ മരണം വരിക്കുമ്പോൾ, അല്ലാഹു തങ്ങളിൽ സംതൃപ്തനാണെന്ന് അവര്‍ക്ക് മനസ്സിലാക്കുന്നു. തല്‍ഫലമായി, ഈ അനുചരൻ മുസ്‌ലിങ്ങളുടെ ആസ്ഥാനം സന്ദര്‍ശിക്കാനും ഇസ്‌ലാമിനെ കുറിച്ച് കൂടുതൽ വിശദമായി പഠിക്കാനും തീരുമാനിച്ചു. അങ്ങനെ അദ്ദേഹം മദീനയിലെത്തി ഇസ്‌ലാം സ്വീകരിച്ചു.

ചുരുക്കത്തിൽ ഇസ്‌ലാം പ്രചരിച്ചത് ബലപ്രയോഗത്തിലൂടെയല്ല, മറിച്ച് അതിന്‍റെ മികവുകൊണ്ടാണ് എന്ന് മുസലിഹ് മൗഊദ് (റ) പറഞ്ഞു.

ഹദ്റത്ത് ‘ആമിർ ബിൻ ഫുഹൈറ തന്‍റെ രക്തസാക്ഷിത്വത്തെക്കുറിച്ച് പറഞ്ഞ വാക്കുകൾ മറ്റ് അനുചരന്മാരുടേതിന് സമാനമാണ്. ഇതുമായി ബന്ധപ്പെട്ട് ഹദ്റത്ത് മുസലിഹ് മൗഊദ്(റ) പറയുന്നത്,  മരണം തങ്ങള്‍ക്ക് സന്തോഷം നല്കുമെന്ന ചിന്തയോടെയാണ് നബിയുടെ(സ) അനുചരന്മാർ യുദ്ധത്തിൽ പങ്കെടുത്തിരുന്നത്. അവര്‍ക്ക് എന്തെങ്കിലും വേദന ഉണ്ടായാൽ, അവർ അത് ആശ്വാസവും സന്തോഷവും ആയി കണക്കാക്കും. ഇത് തെളിയിക്കുന്ന നിരവധി സംഭവങ്ങളുണ്ട്. ഉദാഹരണത്തിന്, ചില അറബ് ഗോത്രങ്ങളിൽ ഇസ്‌ലാമിന്‍റെ സന്ദേശം എത്തിക്കാൻ 70 ഹാഫിളീങ്ങളെ (വിശുദ്ധ ഖുര്‍ആൻ മനഃപാഠമാക്കിയവരെ) അയച്ച സംഭവമുണ്ട്. ഫര്‍ഹാൻ ഹറാം ബിന്‍ മില്‍ഹാൻ അവരുടെ തലവനായ ആമിർ ബിൻ തുഫൈലിനെ ഈ സന്ദേശം അറിയിക്കാൻ പോയി. അദ്ദേഹം ഈ സന്ദേശം കൈമാറുമ്പോൾ, അവർ അദ്ദേഹത്തെ പിന്നിൽ നിന്ന് ആക്രമിക്കാൻ ഒരാളോട് ആംഗ്യം കാണിച്ചു. മരിക്കുമ്പോൾ അദ്ദേഹം പറഞ്ഞു.  അല്ലാഹുവാണ് ഏറ്റവും വലിയവൻ. കഅബയുടെ നാഥനാണ! ഞാൻ വിജയിച്ചിരിക്കുന്നു. അതിന് ശേഷം മറ്റ് അനുചരന്മാരെയും അവർ വളയുകയും രക്തസാക്ഷികളാക്കുകയും ചെയ്തു.