നബിതിരുമേനി[സ] മദീനയിൽ നിന്നും പുറപ്പെട്ട് 15 ദിവസങ്ങൾക്ക് ശേഷമാണ് തിരിച്ചു വന്നത്. ഈ യുദ്ധനീക്കത്തിനിടയിൽ ചില അത്ഭുതങ്ങളും നടന്നിരുന്നു എന്ന് രേഖപ്പെട്ട് കിടക്കുന്നുണ്ട്. അതിൽ ഒന്ന് ഇപ്രകാരമാണ്: ഈ യാത്രക്കിടയിൽ നബിതിരുമേനി[സ] ഒരു മരത്തണലിൽ വിശ്രമിക്കുകയായിരുന്നു. മരക്കൊമ്പിൽ അദ്ദേഹത്തിന്‍റെ വാൾ തൂക്കിയിട്ടിരുന്നു. സഹാബികളും വിഷമിക്കുകയായിരുന്നു. നബിതിരുമേനി[സ] അവരെ വിളിക്കുന്നത് കേട്ടാണ് അവർ ഉണർന്നത്. അവർ നബിതിരുമേനി[സ]യുടെ അടുക്കലേക്ക് പോയപ്പോൾ അവിടെ ഒരു നബിതിരുമേനി[സ]ക്കരുകിൽ ഒരു ബദവി ഇരിക്കുന്നത് കണ്ടു. നബിതിരുമേനി[സ] പറഞ്ഞു; ഞാൻ ഉറങ്ങുന്ന സമയത്ത് ഇയാളോ എന്‍റെ വാൾ എടുത്ത് എന്നെ വിളിച്ചുണർത്തി. ഞാൻ ഉണരുമ്പോൾ ഇയാൾ വാളും പിടിച്ച് നിൽക്കുന്നതാണ് കാണുന്നത്. ഈ ബദവി എന്നോട് ചോദിച്ചു, എന്നിൽ നിന്ന് നിന്നെ ആർക്കാണ് രക്ഷിക്കാൻ കഴിയുക. ഞാൻ ഉടനെ അല്ലാഹ് എന്ന് പറഞ്ഞു. ഇത് കേട്ടതും ആ ഈ ബദവി വാൾ അതിന്‍റെ ഉറയിലേക്കിട്ടു. എന്തായാലും നബിതിരുമേനി[സ] അയാളെ ശിക്ഷിച്ചില്ല.

മൂന്നാം ഹിജ്‌രിയിൽ ഇതുപോലെ മറ്റൊരു സംഭവം നടന്നതായി നിവേദനമുണ്ട്. ശത്രുപക്ഷത്തെ ഒരു വ്യക്തി നബിതിരുമേനി[സ] ഒറ്റക്ക് ഉറങ്ങുന്നത് കണ്ടു. ഇയാൾ അദ്ദേഹത്തിനരികിൽ ഊരിപ്പിടിച്ച വാളുമായി അദ്ദേഹത്തെ ഉണർത്തികൊണ്ട് പറഞ്ഞു; എന്നിൽ നിന്ന് ആർക്കാണ് നിന്നെ രക്ഷിക്കാൻ കഴിയുക. നബിതിരുമേനി[സ] അല്ലാഹ് എന്ന് മറുപടി നൽകി. ഇത് കേട്ടതും അയാളുടെ കയ്യിൽ നിന്നും വാൾ താഴെ വീണുപോയി. നബിതിരുമേനി[സ] ഉടനെ വാൾ കൈപ്പിടിയിലാക്കികൊണ്ട് ചോദിച്ചു ഇപ്പോൾ എന്നിൽ നിന്ന് ആർക്കാണ് നിന്നെ രക്ഷിക്കാൻ കഴിയുക. അയാൾ പറഞ്ഞു; ആർക്കും കഴിയില്ല. തുടർന്ന് അയാൾ ഒരിക്കലും ഇസ്‌ലാമിനെ എതിർക്കില്ല എന്ന് പ്രതിജ്ഞ ചെയ്തു പോവുകയുണ്ടായി. 

ഒരു പക്ഷിയുമായി ബന്ധപ്പെട്ട മറ്റൊരു സംഭവവും നിവേദനങ്ങളിൽ വരുന്നുണ്ട്. ഒരു സഹാബി ഒരു പക്ഷിയുടെ കുഞ്ഞിനെ എടുത്തുകൊണ്ട് വന്നു. ‘അമ്മ പക്ഷി ആ സഹാബിയുടെ അടുത്ത് വന്നു. ഇത് കണ്ടവരെല്ലാം വിഷമിച്ചുപോയി. നബിതിരുമേനി[സ] എന്താണ് എല്ലാവരും വിഷമിച്ച് നിൽക്കുന്നത് എന്ന് ചോദിച്ചു. ഈ അമ്മപ്പക്ഷി അതിന്‍റെ കുഞ്ഞിനെ രക്ഷിക്കാൻ വന്നതാണെന്ന് മറുപടി പറഞ്ഞു. അപ്പോൾ നബിതിരുമേനി[സ] പറഞ്ഞു, ഈ അമ്മപ്പക്ഷിക്ക് തന്‍റെ കുഞ്ഞിന് മേൽ ഉള്ള കാരുണ്യത്തേക്കാൾ കൂടുതൽ അല്ലാഹുവിന് നിങ്ങളോട് കാരുണ്യമുണ്ട്.

ഈ യാത്രക്കിടയിൽ ഒരു സ്ത്രീ തന്‍റെ കുട്ടിയെ നബിതിരുമേനി[സ]യുടെ അടുക്കൽ കൊണ്ട് വന്നു. ആ സ്ത്രീ പറഞ്ഞു, ഇവന് ബുദ്ധിപരമായ ചില പ്രശ്നങ്ങൾ ഉണ്ട്. നബിതിരുമേനി[സ] തന്‍റെ അനുഗ്രഹീതമായ ഉമിനീർ ആ കുട്ടിയുടെ വായിലാക്കികൊണ്ട് പറഞ്ഞുയ്, ഇനി മേലിൽ ഇവന് അത്തരം പ്രശ്നങ്ങളുണ്ടാകില്ല എന്ന് പറഞ്ഞു. ആ ദിവസം മുതൽ ആ കുട്ടി സുഖം പ്രാപിച്ചു.

മൂന്ന് മുട്ടയുടെ സംഭവവും ഉണ്ട്. ഈ മൂന്ന് മുട്ടകൾ പാചകം ചെയ്യാൻ നബിതിരുമേനി[സ] നിർദേശിച്ചിരുന്നു. അവ ഒരു പാത്രത്തിലാക്കി നബിതിരുമേനി[സ]യുടെ അടുക്കൽ കൊണ്ട് വരപ്പെട്ടു. അതിൽ നിന്ന് നബിതിരുമേനി[സ]യും അനുചരൻമാരും വയറുനിറയുന്നത് വരെ ഭക്ഷിച്ചു. അവർ ഭക്ഷണം കഴിച്ചതിന് ശേഷവും ആ മുട്ടകൾ ആരും തൊടാത്തത് പോലെ ആ പാത്രത്തിൽ തന്നെ ഉണ്ടായിരുന്നു.

ഈ യുദ്ധനീക്കത്തിൽ നിന്ന് തിരിച്ച് വരുമ്പോൾ ഒരു ഒട്ടകം ഉച്ചത്തിൽ ശബ്ദമുണ്ടാക്കി ഓടിവരുന്നുണ്ടായിരുന്നു. നബിതിരുമേനി[സ] പറഞ്ഞു; ഈ ഒട്ടകം തന്‍റെ ഉടമസ്ഥനെ കുറിച്ച് പരാതി പറയുകയാണ്. കഴിഞ്ഞ കുറച്ച് വർഷങ്ങളായി ഇതിനെകൊണ്ട് യാതൊരു ജോലിയും ചെയ്യിക്കുന്നില്ല, അയാൾ ഇപ്പോൾ ഇതിനെ അറുക്കാൻ ആഗ്രഹിക്കുകയാണ്.നബിതിരുമേനി[സ] ഹദ്റത്ത് ജാബിർ[റ]നോട് ഇതിന്‍റെ ഉടമസ്ഥനെ കൊണ്ടുവരാൻ നിർദേശിച്ചു. ഹദ്റത്ത് ജാബിർ[റ] തനിക്ക് ഇതിന്‍റെ ഉടമസ്ഥനെ അറിയില്ല എന്ന് പറഞ്ഞു. ഈ ഒട്ടകം തന്നെ അതിന്‍റെ ഉടമസ്ഥനിലേക്ക് എത്തിക്കുന്നതാണ് എന്ന് പറഞ്ഞു. അങ്ങനെ അതിന്‍റെ ഉടമസ്ഥൻ കൊണ്ടുവരപ്പെട്ടു. നബിതിരുമേനി[സ] ആ ഒട്ടകത്തെ വാങ്ങുകയും അതിനെ കാട്ടിൽ മേഞ്ഞുനടക്കാൻ സ്വതന്ത്രമാക്കി വിടുകയും ചെയ്തു.

ഈ യാത്രക്കിടയിൽ തന്നെ നബിതിരുമേനി[സ] ഹദ്റത്ത് ജാബിർ[റ]നോട് എല്ലാവരോടും അംഗശുദ്ധി വരുത്താൻ വിളംബരം ചെയ്യാൻ നിർദേശിച്ചു. എന്നാൽ ഇനി ഒരു തുള്ളി വെള്ളം പോലും അവശേഷിക്കുന്നില്ല എന്ന് നബിതിരുമേനി[സ]ക്ക് അറിയിപ്പ് നൽകപ്പെട്ടു. ഇന്ന സഹാബിയുടെ  തുകൽ സഞ്ചിയിൽ എന്തെങ്കിലും വെള്ളം ശേഷിക്കുന്നുണ്ടോ എന്ന് പരിശോധിക്കാൻ നബിതിരുമേനി[സ] നിർദേശിച്ചു. പരിശോധിക്കപ്പെട്ടപ്പോൾ അദ്ദേഹത്തിന്‍റെ തുകൽ സഞ്ചിയിൽ വളരെ കുറച്ച് വെള്ളം മാത്രം അവശേഷിക്കുന്നതായി കണ്ടു. ആ തുകൽ സഞ്ചി നബിതിരുമേനി[സ]യുടെ അടുക്കൽ കൊണ്ടുവരപ്പെട്ടു. നബിതിരുമേനി[സ] ആ തുകൽസഞ്ചി വാങ്ങി പ്രാർത്ഥിച്ചു. അത് അദ്ദേഹം അമർത്തി. തുടർന്ന് അദ്ദേഹം തിരികെ നൽകുകയും ഒരു വലിയ പത്രം ആവശ്യപ്പെടുകയും ചെയ്തു. തുടർന് നബിതിരുമേനി[സ] ആ വലിയ പാത്രത്തിൽ തന്‍റെ കൈകൾ തടവുകയും അതിന്‍റെ അടിയിൽ തന്‍റെ കൈകൾ വെക്കുകയും ചെയ്തു. ഹദ്റത്ത് ജാബിർ[റ]നോട് ശേഷിക്കുന്ന വെള്ളം എത്രയായാലും അത് ഈ പാത്രത്തിലേക്ക് അല്ലാഹുവിന്‍റെ പേര് പറഞ്ഞ് ഒഴിക്കാൻ പറഞ്ഞു. ഹദ്റത്ത് ജാബിർ[റ] വെള്ളം നബിതിരുമേനി[സ]യുടെ കൈകളിലൂടെ ആ പാത്രത്തിലേക്ക് ഒഴിക്കാൻ തുടങ്ങി. നബിതിരുമേനി[സ]യുടെ വിരലുകളിൽ നിന്ന് ഉറവകൾ വരാൻ തുടങ്ങി. അങ്ങനെ ആ പാത്രം മുഴുവനും നിറഞ്ഞു. ജനങ്ങൾ വന്ന് അതിൽ നിന്ന് ദാഹം ശമിക്കുന്നത് വരെ വെള്ളം കുടിച്ചു.

ഹദ്റത്ത് മസീഹ് മൗഊദ്[അ] വിശദീകരിക്കുന്നത് എന്തെന്നാൽ തിരുമേനി(സ)യുടേത് പോലെ ദൈവവുമായുള്ള ഉയർന്ന തലത്തിലുള്ള ബന്ധം കൈവരിക്കുമ്പോൾ, മനുഷ്യശക്തിക്ക് പുറമെയുള്ളതും ദൃശ്യമാകുന്നതും ദൈവിക ശക്തിയുടെ നിറം വഹിക്കുന്നതുമായ അത്തരം അത്ഭുതങ്ങൾ പ്രദർശിപ്പിക്കപ്പെടാൻ സാധ്യതയുണ്ട്. ഇതിന്‍റെ ഒരു ഉദാഹരണം ബദ്ർ യുദ്ധത്തിന്‍റെ സമയത്ത് ഉണ്ടായിരുന്നു. നബിതിരുമേനി[സ] ഒരു പിടി കല്ലെടുത്ത് എറിയുകയുണ്ടായി, അത് ഒരു കൊടുങ്കാറ്റായി മാറുകയും ശത്രുക്കളുടെ കാഴ്ച നഷ്ടപ്പെടുത്തുകയും അവരെ പരാജയപ്പെടുത്തുകയും ചെയ്തു. അല്ലാഹു ഇതിനെ കുറിച്ച് ഖുർആനിൽ ഇപ്രകാരം പരാമർശിക്കുന്നു; “നീ എറിഞ്ഞപ്പോൾ നീയല്ല എറിഞ്ഞത്, പ്രത്യുത അല്ലാഹുവാണ് എറിഞ്ഞത്”.[8:18].

ഇത്തരത്തിൽ നബിതിരുമേനി[സ] വിവിധ അത്ഭുതങ്ങൾ പ്രകടിപ്പിക്കുകയുണ്ടായി. അവക്ക് നേരിട്ട് പ്രാർത്ഥനയുമായി ബന്ധമില്ലായിരുന്നു മറിച്ച് ദൈവീകശക്തിയുടെ പ്രകടനമായിരുന്നു അതെല്ലാം. കുറച്ച് ഭക്ഷണവും വെള്ളവും ധാരാളം ആളുകൾക്ക് ഭക്ഷിക്കാവുന്ന രീതിയിൽ ആയിത്തീരുക എന്നതെല്ലാം ഇത്തരത്തിലുള്ള സംഭവങ്ങളായിരുന്നു. അതിലെല്ലാം തന്നെ ദൈവീക ശക്തി മറഞ്ഞിരിക്കുന്നുണ്ടായിരുന്നു.