മുറൈസിയിലെ ഒരു കിണറിൽ നിന്നും വെള്ളമെടുക്കുന്ന കാര്യത്തിൽ രണ്ട് സഹാബികൾക്കിടയിൽ ഒരു അഭിപ്രായവ്യത്യാസമുണ്ടായി. പരസ്പര സഹോദരങ്ങൾ എന്ന നിലയിൽ ഇത്തരം തർക്കങ്ങൾ സഹാബികൾക്കിടയിൽ ഉയരാൻ പാടുള്ളതല്ല എന്ന് നബിതിരുമേനി(സ) ഉപദേശിച്ചു. ഈ തർക്കത്തിൽ ഏർപ്പെട്ടിരുന്ന ഒരു സഹാബിയായ ഹദ്റത്ത് സിനാൻ(റ)നോട് നബിതിരുമേനി(സ)യുടെ ഉപദേശത്തെ കുറിച്ച് പറഞ്ഞപ്പോൾ അദ്ദേഹം അത് അംഗീകരിക്കാൻ തയ്യാറായി. അബ്‌ദുല്ലാഹ് ഇബ്നു ഉബയ്യ് ഇബ്നു സലൂൽ അടുത്ത് നിന്ന് തന്നെ ഈ കാര്യങ്ങൾ എല്ലാം വീക്ഷിക്കുന്നുണ്ടായിരുന്നു. അതുപോലെ ചെറിയ പ്രായമായിരുന്നു സൈദ് ഇബ്നു അർഖം(റ)വും ഇതെല്ലാം കാണുന്നുണ്ടായിരുന്നു. അബ്‌ദുല്ലാഹ് ഇബ്നു ഉബയ്യ് ഇതെല്ലാം കണ്ടപ്പോൾ പറഞ്ഞു:’നബിതിരുമേനി(സ) മദീനയിൽ വന്ന സമയം മുതൽ എനിക്ക് ഇസ്‌ലാമിനോട് യാതൊരു താല്പര്യവുമുണ്ടായിരുന്നില്ല. എന്‍റെ സമുദായം മുസ്‌ലിങ്ങൾ ആയതിനാൽ ഞാനും ഇസ്‌ലാം സ്വീകരിച്ചു. ഖുറൈശികൾ പാല് കൊടുത്ത കൈക്ക് കൊത്തുന്ന സ്വഭാവമുള്ളവരാണ്. മദീനയിൽ എത്തിയതും മദീനയിലെ ഏറ്റവും ആദരണീയനായ വ്യക്തി ഏറ്റവും നിന്ദ്യനായ വ്യക്തിയെ മദീനയിൽ നിന്നും പുറത്താക്കുന്നതായിരിക്കും. തുടർന്ന് തന്‍റെ സമൂഹത്തിനോടായി പറഞ്ഞു; ‘ ഇതെല്ലാം നിങ്ങൾ മുസ്‌ലിങ്ങളെ മദീനയിൽ ജീവിക്കാൻ അനുവദിച്ചതിന്‍റെ ഫലമായിട്ടാണ് നിങ്ങൾക്ക് അനുഭവിക്കേണ്ടി വരുന്നത്.

അയാൾ ജനങ്ങളെ പ്രകോപിപ്പിക്കാൻ ശ്രമിച്ചു. അയാൾ പറഞ്ഞു: ‘നിങ്ങൾ നബിക്ക് വേണ്ടി നിങ്ങളുടെ ജീവൻ നൽകുകയും നിങ്ങളുടെ കുട്ടികളെ അനാഥരാക്കുകയും ചെയ്തിരിക്കുന്നു. ഹദ്റത്ത് സൈദ്(റ) ഇതെല്ലാം കേട്ടപ്പോൾ അയാളോടായി പറഞ്ഞു; ‘നബിതിരുമേനി തന്നെയാണ് ഏറ്റവും ആദരണീയനായ വ്യക്തി, അബ്‌ദുല്ലാഹ് ബിൻ ഉബയ്യ് നിന്ദ്യൻ ആണ്.’ ഹദ്റത്ത് സൈദ്(റ) നബിതിരുമേനി(സ)യുടെ അടുക്കലെത്തുകയും ഉബയ്യ് ഇബ്നു സുലൂൽ പറഞ്ഞ കാര്യങ്ങളെല്ലാം നബിതിരുമേനി(സ)യോട് വിവരിക്കുകയും ചെയ്തു. സൈദിന് ചെറിയ പ്രായമായിരുന്നു. സൈദ് കേട്ടത് തെറ്റായിപ്പോയിട്ടുണ്ടാകാം, സൈദിന് അബ്‌ദുല്ലാഹ് ബിൻ ഉബയ്യ് ഇബ്നു സുലൂലിനോട് എന്തെങ്കിലും വിദ്വേഷം ഉണ്ടായിരിക്കാം എന്നെല്ലാം നബിതിരുമേനി(സ) പ്രതികരിച്ചു. മുതിർന്ന സഹാബാക്കളും സൈദ് പറഞ്ഞ കാര്യങ്ങൾ ആദ്യം വിശ്വസിച്ചില്ല. ചിലർ അബ്‌ദുല്ലാഹ് ബിൻ ഉബയ്യിനെ കണ്ട് അയാൾ ഇപ്രകാരമെല്ലാം പറഞ്ഞിട്ടുണ്ടെങ്കിൽ നബിതിരുമേനി(സ)യോട് മാപ്പ് അപേക്ഷിക്കാൻ ഉപദേശിച്ചു, അല്ലെങ്കിൽ നബിതിരുമേനിക്ക് അയാളെ കുറിച്ച് എന്തെങ്കിലും വെളിപാട് ഇറങ്ങാൻ സാധ്യതയുണ്ട്. കുറഞ്ഞപക്ഷം എന്താണ് സംഭവിച്ചത് എന്നതിനെ കുറിച്ച് ഒരു വിശദീകരണമെങ്കിലും നൽകാം. സൈദ് പറഞ്ഞ കാര്യങ്ങളെ കുറിച്ച് ചോദിച്ചപ്പോൾ താൻ അങ്ങനെയൊന്നും പറഞ്ഞിട്ടില്ല എന്ന് അബ്‌ദുല്ലാഹ് ബിൻ ഉബയ്യ് അല്ലാഹുവിന്‍റെ പേരിൽ സത്യം ചെയ്തു. സൈദിന് ചെറിയ പ്രായമായിരുന്നു എങ്കിലും അദ്ദേഹം പറഞ്ഞ കാര്യങ്ങൾ സത്യമാണെന്നു വിശ്വസിച്ച ചിലരുണ്ടായിരുന്നു. നബിതിരുമേനി(സ)യും സൈദ് പറഞ്ഞത് സത്യമാണെന്ന് വിശ്വസിക്കാൻ തുടങ്ങി. 

എന്തായാലും നബിതിരുമേനി(സ) മദീനയിലേക്ക് തിരിച്ച് പോകാനുള്ള യാത്ര ആരംഭിക്കാൻ കൽപിച്ചു. നബിതിരുമേനി(സ) പൊതുവിൽ യാത്ര ചെയ്യാത്ത സമയത്താണ് അദ്ദേഹം മദീനയിലേക്ക് തിരികെ പോകാനുള്ള യാത്ര ചെയ്യാൻ കൽപിച്ചത്. അബ്‌ദുല്ലാഹ് ബിൻ ഉബയ്യ് ഇത്തരം കാര്യങ്ങൾ പറഞ്ഞിരുന്നു എന്ന് നബിതിരുമേനി(സ)ക്ക് മനസ്സിലായിരുന്നു. പക്ഷെ നബിതിരുമേനി(സ) ആ സമയത്ത് യുക്തിപൂർവ്വം ഈ കാര്യത്തെ കുറിച്ച് നിശബ്ദത പാലിച്ചു.