എല്ലാ അതിഥികളും ജൽസയിൽ പങ്കെടുക്കുന്നതിന്റെ ഉദ്ദേശ്യം മനസ്സിൽ സൂക്ഷിക്കുക. ഏറ്റവും ഉയർന്ന ധാർമ്മിക നിലവാരം പ്രകടിപ്പിക്കുകയും അല്ലാഹുവിന്റെ സ്മരണയിൽ മുഴുകുകയും ചെയ്യുന്നതിലൂടെ മാത്രമേ ഇത് സാധ്യമാകൂ. ഭക്ഷണം കഴിച്ചതിന് ശേഷം അതിഥികൾ ഭക്ഷണശാലയിൽ അധികനേരം തങ്ങരുത്. കാരണം നിരവധി അതിഥികൾക്ക് ഇരിക്കാനും ഭക്ഷണം കഴിക്കാനും സമയം നൽകേണ്ടതുണ്ട്. അതിഥികൾക്ക് ആവശ്യമുള്ളത്ര ഭക്ഷണം നൽകുന്നതാണ്, എന്നാൽ ഭക്ഷണം ഒരിക്കലും പാഴാക്കരുത്. വാഗ്ദത്ത മസീഹ്(അ)ൻ്റെ മാതൃക നമുക്ക് മുന്നിൽ ഉണ്ട്. ഒരിക്കൽ സംഘാടകർ അദ്ദേഹത്തിന് ഭക്ഷണം നൽകാൻ വിട്ടുപോയി, ഭക്ഷണം തീർന്നുപോയിരുന്നു. ആ മഹാത്മാവ് മേശകളിൽ ബാക്കിയായ എന്തെങ്കിലും ഉണ്ടെങ്കിൽ അത് കഴിച്ച് കൊള്ളാമെന്ന് പറഞ്ഞു. നാം ഒരു ഭക്ഷണവും പാഴാക്കരുതെന്ന് പ്രായോഗികമായി കാണിച്ച് തരികയായിരുന്നു.

അതിഥികൾക്കും സന്നദ്ധ പ്രവർത്തകർക്കും ജൽസാ സാലാന മുഖേന പൊതുവായ ഒരു ലക്ഷ്യമുണ്ട്, അത് വൈജ്ഞാനികവും ധാർമ്മികവും ആത്മീയവുമായ പരിഷ്കരണമാണ്. അതിനാൽ, ഈ ലക്ഷ്യം നിറവേറ്റാൻ എല്ലാവരും ഒരുമിച്ച് പ്രവർത്തിക്കേണ്ടതാണ്. ചില അവസരങ്ങളിൽ ഏറ്റവും മികച്ച സംവിധാനങ്ങൾ ഉണ്ടായിട്ടുകൂടി, ഭക്ഷണത്തിന് കുറവ് വന്നേക്കാം. അത്തരം സന്ദർഭങ്ങളിൽ, നബിതിരുനബി(സ)യുടെ ഒരു പ്രസ്താവന ഓർക്കേണ്ടതാണ്, “രണ്ടുപേർക്കുള്ള ഭക്ഷണം മൂന്നുപേർക്ക് മതിയാകും, മൂന്നുപേർക്കുള്ള ഭക്ഷണം നാലുപേർക്ക് മതിയാകും.”

ഖലീഫാ തിരുമനസ്സ് പറഞ്ഞു,
അതിഥികൾ സന്നദ്ധപ്രവർത്തകർക്ക് എളുപ്പമുണ്ടാക്കാനും സഹായിക്കാനും ശ്രമിക്കണം. ഭക്ഷണം കഴിച്ച ശേഷം അവർക്ക് ചുറ്റുമുള്ള സ്ഥലം വൃത്തിയാക്കണം. മാർക്കറ്റിൽ നിന്ന് എന്തെങ്കിലും വാങ്ങുകയാണെങ്കിൽ, പൊതികളും മറ്റ് സമാനമായ വസ്തുക്കളും മാലിന്യ പാത്രത്തിൽ നിക്ഷേപിക്കണം. അതുപോലെ ആരെങ്കിലും അനുചിതമായ എന്തെങ്കിലും കണ്ടാൽ, അള്ളാഹുവിനോട് പൊറുക്കലിനെ തേടിക്കൊണ്ട് നിശബ്ദമായി അവിടെ നിന്ന് മാറണം. കുട്ടികൾക്ക് ഭക്ഷണം നൽകുന്ന കാര്യത്തിൽ ശ്രദ്ധിക്കണം, ചിലപ്പോൾ അവരുടെ പാത്രങ്ങൾ നിറച്ച് നൽകാറുണ്ട്, അവർക്ക് അത്രയധികം കഴിക്കാൻ കഴിയില്ല, അത് ഭക്ഷണം പാഴാകാൻ ഇടയാക്കുന്നു. അതിനാൽ, കുട്ടികൾക്ക് കുറഞ്ഞ അളവിൽ ഭക്ഷണം നൽകുന്നതാണ് ഉചിതം, അത് പല തവണകളായി നൽകേണ്ടി വന്നാലും പ്രശ്നമില്ല.

ജൽസയുടെ കര്യപരിപാടിളെക്കുറിച്ച് പറയുമ്പോൾ, അതിഥികൾ പ്രസംഗങ്ങൾ ശ്രദ്ധയോടെ കേൾക്കണമെന്നും, കേവലം പ്രഭാഷണ വൈദഗ്ധ്യത്തിൽ മതിപ്പ് തോന്നിയാൽ പോരെന്നും, സന്ദേശത്തിന്റെ സാരം ഉൾക്കൊള്ളേണ്ടതാണെന്നും വാഗ്ദത്ത മസീഹ്(അ) പ്രസ്താവിച്ചിട്ടുണ്ട്. ഓരോ അഹ്മദിയും ഇത് മനസ്സിൽ കുറിക്കേണ്ടതാണ്, അല്ലാഹുവിന്റെ അനുഗ്രഹങ്ങളും പ്രീതിയും നേടുന്നതിനാണ് ഇവിടെ പരിപാടികൾ കേൾക്കാൻ എത്തിയിരിക്കുന്നത്. അവർ ചെയ്യുന്നതെല്ലാം അല്ലാഹുവിനെ പ്രീതിപ്പെടുത്താൻ വേണ്ടിയായിരിക്കണം, അതിനാൽ, ഈ ദിനങ്ങൾ പ്രത്യേകിച്ചും അല്ലാഹുവിനെ നിരന്തരം സ്മരിച്ച് കൊണ്ട് കഴിച്ചുകൂട്ടേണ്ടതാണ്. അല്ലാഹുവിനെ സ്മരിക്കുന്നത് ഹൃദയങ്ങളെ ശുദ്ധീകരിക്കുകയും അവൻ്റെ അനുഗ്രഹങ്ങൾക്ക് പാത്രമാകാൻ കാരണമാകുകയും ചെയ്യുന്നു.

ഇവിടെ നൽകപ്പെടുന്ന സന്ദേശങ്ങൾ സശ്രദ്ധം കേൾക്കുകയും, അവ നടപ്പിലാക്കാൻ പരിപൂർണ്ണമായി ശ്രമിക്കുകയും, അല്ലാഹുവിനെ നിരന്തരം സ്മരിക്കുകയും ചെയ്യുമ്പോഴാണ് ഈ മൂന്ന് ദിവസം ഫലപ്രദമായി എന്ന് പറയാൻ സാധിക്കുക. വാഗ്ദത്ത മസീഹ്(അ) ആശങ്കാകുലനായികൊണ്ട് പ്രസ്താവിച്ചത്, ഈ കാര്യങ്ങൾ മനസ്സിൽ പതിപ്പിക്കുകയും അത് നടപ്പിലാക്കുകയും ചെയ്യുന്നില്ലെങ്കിൽ ജൽസയിൽ പങ്കെടുക്കുന്നതിന് യാതൊരു പ്രയോജനവുമില്ല എന്നാണ്.

ജൽസയുടെ മറ്റൊരു ഉദ്ദേശ്യം സാഹോദര്യം വർദ്ധിപ്പിക്കുകയും ശത്രുത ഇല്ലാതാക്കുകയും ചെയ്യുക എന്നതാണ്. ഇതൊരു ഇസ്‌ലാമിക അന്തരീക്ഷമാണ്, അതിനാൽ അതിഥികൾ ഈ അന്തരീക്ഷം നിലനിർത്താൻ പരിശ്രമിക്കേണ്ടതാണ്. അതുപോലെ, ജൽസയുടെ ഒരു ഉന്നത ലക്ഷ്യം ഏറ്റവും ഉയർന്ന ധാർമ്മികത പ്രകടിപ്പിക്കുക എന്നതാണ്. അതിനാൽ, സന്നദ്ധസേവകരും അതിഥികളും ഒരുപോലെ, ഏറ്റവും ഉയർന്ന ധാർമ്മികത പ്രകടിപ്പിക്കുന്നുണ്ടെന്ന് ജാഗ്രതയോടെ ഉറപ്പുവരുത്തണം.

ഖലീഫാ തിരുമനസ്സ് ഉപദേശിച്ചുകൊണ്ട് പറഞ്ഞു, ജൽസയിൽ വരുന്നവർ, താമസസ്ഥലത്ത് ആണെങ്കിലും, മറ്റെവിടെയാണെങ്കിലും ശേരി, പള്ളികളിൽ ഉൾപ്പെടെ തങ്ങളുടെ അടുത്തുള്ളവരെ എപ്പോഴും പരിഗണിക്കുകയും ഉയർന്ന ധാർമ്മിക സ്വഭാവം പ്രകടിപ്പിക്കുകയും ചെയ്യുക. തിരക്കുണ്ടെങ്കിൽ പോലും ട്രാഫിക് നിയമങ്ങൾ പാലിക്കണം.

കുട്ടികളുള്ള ഉമ്മമാർക്കായി പ്രത്യേക തമ്പ് തയ്യാറാക്കിയിട്ടുണ്ട്. അവിടെ പരസ്പരം സംസാരിക്കാതെ, ജൽസയുടെ പരിപാടികൾ ശ്രദ്ധയോടെ കേൾക്കുന്നുണ്ടെന്ന് ഉറപ്പുവരുത്തണം. പല ഉമ്മമാരും കുട്ടികളെ ശാന്തമായി ഇരുത്താൻ അവരെ എന്തെങ്കിലും കാര്യങ്ങളിൽ വ്യാപൃതരാക്കാറുണ്ട്. ചിലപ്പോൾ ശബ്ദമുണ്ടാകുമ്പോൾ, സന്നദ്ധസേവകർ നിശബ്ദത പാലിക്കാൻ ആവശ്യപ്പെടുന്നു, അവരോട് ദേഷ്യത്തോടെ പ്രതികരിക്കരുത്. അതുപോലെ, സന്നദ്ധസേവകരും ശാന്തരും മര്യാദയുള്ളവരുമായിരിക്കണം.

പാർക്കിംഗിന്റെയും സുരക്ഷാ സംവിധാനത്തിന്റെയും കാര്യത്തിൽ, ഗതാഗതം സുഗമമാക്കാൻ അതിഥികൾ പ്രവർത്തകരുമായി സഹകരിക്കണം. എല്ലാ അതിഥികളും ചുറ്റുപാടുകളെക്കുറിച്ച് ജാഗ്രത പാലിക്കുകയും സംശയാസ്പദമായ ഏതൊരു പ്രവർത്തിയും റിപ്പോർട്ട് ചെയ്യുകയും വേണം. പരിശോധനയ്ക്കായി അതിഥികൾ എല്ലായ്പ്പോഴും അവരുടെ തിരിച്ചറിയൽ കാർഡുകൾ കൈവശം വെക്കണം. അതിഥികൾ വിലപിടിപ്പുള്ള വസ്തുക്കൾ തമ്പിനുള്ളിൽ വെക്കാതെ തങ്ങളുടെ പക്കൽ തന്നെ സൂക്ഷിക്കണം.

ജൽസയിൽ നിന്ന് എല്ലാവർക്കും പൂർണ്ണമായി പ്രയോജനം നേടാനും, അതിന്റെ അനുഗ്രഹങ്ങൾ ലഭിക്കാനും, സർവ്വശക്തനായ അല്ലാഹുവിന്റെ അനുഗ്രഹങ്ങൾ സംഭരിച്ചുകൊണ്ട് ജൽസ കഴിഞ്ഞ് വീട്ടിലേക്ക് മടങ്ങുവാനും തൗഫീഖ് നൽകി അനുഗ്രഹിക്കുമാറാകട്ടെ. അല്ലാഹു നിങ്ങൾ ഓരോരുത്തരെയും സന്താന പരമ്പരകളെയും അനുഗ്രഹിക്കുമാറാകട്ടെ. അഹ്മദികളെ എപ്പോഴും ഈ ലോകത്തിന് പ്രയോജനകരമാക്കുകയും ചെയ്യട്ടെ. ഈ പ്രസ്ഥാനം ലോകാവസാനം വരെ നിലനിൽക്കട്ടെ.

കഴിഞ്ഞ വർഷങ്ങളിലെപ്പോലെ, അതിഥികൾ സന്ദർശിച്ചിരിക്കേണ്ട വിവിധതരം പ്രയോജനകരമായ എക്സിബിഷനുകളും ഉണ്ട്. ബുക്ക് സ്റ്റാളിൽ പുതിയ പുസ്തകങ്ങളുമുണ്ട്, അവിടെയും അതിഥികൾ സന്ദർശിക്കണം. ഇടവേളകളിൽ അതിഥികൾ ബസാർ സന്ദർശിക്കുക മാത്രമല്ല ചെയ്യേണ്ടത്, ഈ ആത്മീയ പോഷണത്തിൽ നിന്നും പ്രയോജനം ഉൾക്കൊള്ളുകയും വേണം. അതിനായി അല്ലാഹു എല്ലാവരെയും സഹായിക്കട്ടെ.ആമീൻ