നബിതിരുമേനി ﷺ യുടെ ആഹ്വാനം കേട്ട്, ദരിദ്രരായവരും ഒരു കൈനിറയെ ധാന്യം മാത്രം നല്കാൻ കഴിഞ്ഞവരും അങ്ങനെ ചെയ്തു എന്ന് ഹുസൂർ തിരുമനസ്സ് പറഞ്ഞു. ഇത് കണ്ട കപടവിശ്വാസികൾ മുസ്ലീങ്ങളെ കളിയാക്കി, ഇത്രയും ചെറിയ തുകകൊണ്ട് ഒന്നും നേടാൻ കഴിയില്ലെന്ന് പറഞ്ഞു. ഇതിന് മറുപടിയായി, അല്ലാഹു വിശുദ്ധ ഖുർആനിൽ ഇപ്രകാരം പറഞ്ഞു:
‘അല്ലാഹുവിൻറെ ദൂതൻറെ പിന്നിൽ വീട്ടിലിരുന്നതിൽ സന്തോഷിച്ചവരും തങ്ങളുടെ സ്വത്തുക്കളും ശരീരങ്ങളും കൊണ്ട് അല്ലാഹുവിൻറെ മാർഗ്ഗത്തിൽ പോരാടുന്നതിനെ വെറുത്തവരുമായ ആളുകൾ, “ഈ ചൂടിൽ നിങ്ങൾ പുറപ്പെടരുത്” എന്ന് പറഞ്ഞു. പറയുക: “നരകത്തിലെ തീ ഇതിലും തീവ്രമായ ചൂടുള്ളതാണ്.” അവർക്ക് മനസ്സിലാക്കാൻ കഴിഞ്ഞെങ്കിൽ! അവർ സമ്പാദിച്ചതിൻറെ പ്രതിഫലമായി അവർ അൽപ്പം ചിരിക്കുകയും ധാരാളം കരയുകയും ചെയ്യേണ്ടിവരും.’ (വിശുദ്ധ ഖുർആൻ, 9:81-82)

സംഭാവന നല്കാൻ കഴിയുന്നത്ര തുക സമ്പാദിക്കാൻ വേണ്ടി ചില സ്വഹാബികൾ കഠിനാധ്വാനം ചെയ്തു എന്ന് ഹുസൂർ തിരുമനസ്സ് പറഞ്ഞു. ഉദാഹരണത്തിന്, അബൂ അഖീൽ (റ) രാത്രി മുഴുവൻ കിണറ്റിൽ നിന്ന് വെള്ളം കോരുകയും അത് ഉപയോഗിച്ച് തൻറെ കുടുംബത്തിന് ഭക്ഷണം നല്കുകയും ശേഷം തനിക്ക് കഴിയുന്നത് ഒരു സാമ്പത്തിക ത്യാഗമായി തിരുനബി ﷺ ക്ക് സമർപ്പിക്കുകയും ചെയ്തു.

ഹുസൂർ തിരുമനസ്സ് പറഞ്ഞു, ആത്മാർഥതയുള്ളവനായിരുന്നിട്ടും ഒന്നും നല്കാൻ ഇല്ലാത്ത ഹദ്റത്ത് ഉർവ ബിൻ സൈദ് (റ) ഉണ്ടായിരുന്നു. അദ്ദേഹം പ്രാർഥനയിൽ മുഴുകി ദൈവത്തോട് അപേക്ഷിച്ചു, തനിക്ക് ഭൗതികമായി ഒന്നും നല്കാനില്ലെങ്കിലും, തന്നോട് ചെയ്ത എല്ലാ അതിക്രമങ്ങൾക്കും അദ്ദേഹം പൊറുക്കുമെന്നും അതാണ് മുസ്ലിം സൈന്യത്തിനുവേണ്ടിയുള്ള തൻറെ ദാനധർമ്മം എന്നും പറഞ്ഞു. അടുത്ത ദിവസം രാവിലെ, അദ്ദേഹം മറ്റ് സ്വഹാബികളോടൊപ്പം തിരുനബി ﷺ യുടെ അടുത്ത് പോയി, തലേദിവസം രാത്രി ആരെങ്കിലും തൻറെ അഭിമാനം ദാനധർമമായി നല്കിയോ എന്ന് നബിതിരുമേനി ﷺ ചോദിച്ചു. ആരും മുന്നോട്ട് വന്നില്ല, അതിനാൽ തിരുനബി ﷺ വീണ്ടും ചോദിച്ചു. എന്നിട്ടും ആരും മുന്നോട്ട് വന്നില്ല. തിരുനബി ﷺ മൂന്നാം തവണ ചോദിച്ചപ്പോഴാണ് ഹദ്റത്ത് ഉർവ (റ) മുന്നോട്ട് വന്ന് എല്ലാം വിശദീകരിച്ചത്. ദാനധർമം അല്ലാഹു സ്വീകരിച്ചവരിൽ അദ്ദേഹത്തെയും എണ്ണിയതായി നബിതിരുമേനി ﷺ അദ്ദേഹത്തിന് സന്തോഷവാർത്ത നല്കി. ഇത് ദാനധർമ്മത്തിൻറെ ഒരു അദ്വിതീയ രൂപമായിരുന്നു, എല്ലാ ഹൃദയങ്ങളുടെയും അവസ്ഥ അറിയുന്ന അല്ലാഹു അത് സ്വീകരിച്ചു.

സ്ത്രീകളും മുന്നോട്ട് വന്ന് ഈ യുദ്ധത്തിനുവേണ്ടി തങ്ങളുടെ ആഭരണങ്ങൾ ത്യജിച്ചു എന്ന് ഹുദൂർ തിരുമനസ്സ് പറഞ്ഞു. നബിതിരുമേനി ﷺ യുടെ വീട്ടിൽ ഒരു തുണിയിൽ സ്ത്രീകൾന ബിതിരുമേനി ﷺ യുടെ ആഹ്വാനം കേട്ട് നല്കിയ വിവിധ സുഗന്ധദ്രവ്യങ്ങളും, ആഭരണങ്ങളും, മറ്റ് വസ്തുക്കളും കിടന്നിരുന്നതായി രേഖപ്പെടുത്തിയിട്ടുണ്ട്.
മറുവശത്ത്, കപടവിശ്വാസികൾ, മുസ്ലീങ്ങളുടെ പരാജയം ഉറപ്പുവരുത്തുന്നതിനായി (നഊദുബില്ലാഹ്) തിരുനബി ﷺ യോടൊപ്പം ഏറ്റവും കുറഞ്ഞ മുസ്ലീങ്ങൾ മാത്രമേ പുറപ്പെടുകയുള്ളൂ എന്ന് ഉറപ്പുവരുത്താൻ ശ്രമിക്കുകയായിരുന്നു എന്ന് ഹുസൂർ തിരുമനസ്സ് പറഞ്ഞു. അതിനാൽ, അവർ ചൂട്, ദീർഘയാത്ര, അല്ലെങ്കിൽ അവരെ നേരിടാൻ കാത്തിരിക്കുന്ന വലിയ സൈന്യം തുടങ്ങിയ യുദ്ധവുമായി ബന്ധപ്പെട്ട പ്രയാസങ്ങൾ എടുത്തുപറഞ്ഞുകൊണ്ട് മുസ്ലിങ്ങളുടെ ഹൃദയങ്ങളിൽ ഭയം ജനിപ്പിക്കാൻ ശ്രമിച്ചു. ഈ വ്യാജ പ്രചാരണം ആത്മാർഥതയുള്ള മുസ്ലിങ്ങളെ പിന്തിരിപ്പിച്ചില്ലെങ്കിലും, വിശ്വാസത്തിൽ ദുർബലരായ ചിലർ മുസ്ലിം സൈന്യത്തിൽ ചേരാതിരിക്കാൻ ഒഴികഴിവുകൾ പറഞ്ഞു. ഈ വ്യാജ പ്രചാരണത്തെക്കുറിച്ച് വിശുദ്ധ ഖുർആൻ ഇപ്രകാരം പരാമർശിച്ചിട്ടുണ്ട്:

‘അല്ലാഹുവിൻറെ ദൂതൻറെ പിന്നിൽ വീട്ടിലിരുന്നതിൽ സന്തോഷിച്ചവരും തങ്ങളുടെ സ്വത്തുക്കളും ശരീരങ്ങളും കൊണ്ട് അല്ലാഹുവിൻറെ മാർഗ്ഗത്തിൽ പോരാടുന്നതിനെ വെറുത്തവരുമായ ആളുകൾ, “ഈ ചൂടിൽ നിങ്ങൾ പുറപ്പെടരുത്” എന്ന് പറഞ്ഞു. പറയുക: “നരകത്തിലെ തീ ഇതിലും തീവ്രമായ ചൂടുള്ളതാണ്.” അവർക്ക് മനസ്സിലാക്കാൻ കഴിഞ്ഞെങ്കിൽ! അവർ സമ്പാദിച്ചതിൻറെ പ്രതിഫലമായി അവർ അൽപ്പം ചിരിക്കുകയും ധാരാളം കരയുകയും ചെയ്യേണ്ടിവരും.’ (വിശുദ്ധ ഖുർആൻ, 9:81-82)

നിവേദനങ്ങൾ അനുസരിച്ച്, ഈ ആളുകൾ നബിതിരുമേനി ﷺ യുടെ അടുത്ത് പോയി യുദ്ധത്തിൽ നിന്ന് ഒഴിവാക്കപ്പെടാൻ അനുവാദം തേടിയിരുന്നു എന്ന് ഹുസൂർ തിരുമനസ്സ് പറഞ്ഞു. ഏകദേശം 80 പേർ ഇങ്ങനെ അനുവാദം തേടിയിരുന്നു. ഇമാമിൻറെ ആഹ്വാനം എങ്ങനെ അനുസരിക്കണം എന്ന് കാണിക്കുന്നതിനായി, ഈ ആളുകളുടെ ഉദാഹരണം എടുത്തുകാട്ടിക്കൊണ്ട് അല്ലാഹു വിശുദ്ധ ഖുർആനിൽ സൂക്തങ്ങൾ അവതരിപ്പിച്ചു:

‘അത് പെട്ടെന്നുള്ള നേട്ടവും ഒരു ചെറിയ യാത്രയുമായിരുന്നെങ്കിൽ, അവർ തീർച്ചയായും നിന്നെ പിന്തുടരുമായിരുന്നു, പക്ഷേ കഠിനമായ യാത്ര അവർക്ക് വളരെ ദൈർഘ്യമുള്ളതായി തോന്നി. “ഞങ്ങൾക്ക് കഴിയുമായിരുന്നെങ്കിൽ, ഞങ്ങൾ തീർച്ചയായും നിങ്ങളുടെ കൂടെ പുറപ്പെടുമായിരുന്നു” എന്ന് അവർ അല്ലാഹുവിൻറെ പേരിൽ സത്യം ചെയ്ത് പറയും. അവർ അവരുടെ ആത്മാക്കളെ നശിപ്പിക്കുന്നു, അവർ കളവു പറയുന്നവരാണെന്ന് അല്ലാഹുവിനറിയാം. അല്ലാഹു നിൻറെ വിഷമങ്ങൾ നീക്കട്ടെ. സത്യം പറഞ്ഞവർ ആരാണെന്ന് നിനക്ക് വ്യക്തമാകുന്നതുവരെയും കളവു പറയുന്നവരെ നീ അറിയുന്നതുവരെയും എന്തുകൊണ്ടാണ് നീ അവർക്ക് പിന്നിൽ നിൽക്കാൻ അനുവാദം നല്കിയത്? അല്ലാഹുവിലും അന്ത്യനാളിലും വിശ്വസിക്കുന്നവർ തങ്ങളുടെ സ്വത്തുക്കളും ശരീരങ്ങളും കൊണ്ട് പോരാടുന്നതിൽ നിന്ന് ഒഴിവാക്കപ്പെടാൻ നിന്നോട് അനുവാദം ചോദിക്കുകയില്ല. അല്ലാഹു സൂക്ഷ്മത പാലിക്കുന്നവരെക്കുറിച്ച് നന്നായി അറിയുന്നവനാണ്. അല്ലാഹുവിലും അന്ത്യനാളിലും വിശ്വസിക്കാത്തവരും, ഹൃദയങ്ങളിൽ സംശയമുള്ളവരും, ആ സംശയത്തിൽ ആടിയുലയുന്നവരും മാത്രമേ നിന്നോട് ഒഴിവ് ചോദിക്കുകയുള്ളൂ. അവർ പുറപ്പെടാൻ ഉദ്ദേശിച്ചിരുന്നെങ്കിൽ, അവർ തീർച്ചയായും അതിനുള്ള ഒരുക്കങ്ങൾ ചെയ്യുമായിരുന്നു; പക്ഷേ അവർ പുറപ്പെടുന്നതിനെ അല്ലാഹു വെറുത്തു. അതിനാൽ അവൻ അവരെ തടഞ്ഞു, “ഇരിക്കുന്നവരോടൊപ്പം നിങ്ങളും വീട്ടിൽ ഇരിക്കുക” എന്ന് പറയപ്പെട്ടു. അവർ നിങ്ങളുടെ കൂടെ പുറപ്പെട്ടിരുന്നെങ്കിൽ, അവർ നിങ്ങൾക്ക് ബുദ്ധിമുട്ടല്ലാതെ മറ്റൊന്നും കൂട്ടിച്ചേർക്കുകയില്ലായിരുന്നു, നിങ്ങളുടെ ഇടയിൽ കുഴപ്പങ്ങളുണ്ടാക്കാൻ ശ്രമിച്ചുകൊണ്ട് അവർ നിങ്ങളുടെ മധ്യത്തിൽ തിരക്കിട്ട് നടക്കുകയും ചെയ്യുമായിരുന്നു. അവരെ ശ്രദ്ധിക്കുന്ന ചില ആളുകൾ നിങ്ങളുടെ ഇടയിലുണ്ട്. അല്ലാഹു അക്രമികളെക്കുറിച്ച് നന്നായി അറിയുന്നവനാണ്. ഇതിനുമുമ്പും അവർ കുഴപ്പങ്ങൾ സൃഷ്ടിക്കാൻ ശ്രമിച്ചിട്ടുണ്ട്, സത്യം വരികയും അല്ലാഹുവിൻറെ ഉദ്ദേശ്യം വിജയിക്കുകയും ചെയ്യുന്നതുവരെ അവർ നിനക്കെതിരെ ഗൂഢാലോചനകൾ നടത്തി, അത് അവർക്ക് ഇഷ്ടപ്പെട്ടില്ലെങ്കിൽ പോലും.’ (വിശുദ്ധ ഖുർആൻ, 9:42-48)

ഈ യുദ്ധത്തെക്കുറിച്ചുള്ള കൂടുതൽ വിശദാംശങ്ങൾ ഭാവിയിൽ തുടരുമെന്ന് ഹുസൂർ തിരുമനസ്സ് പറഞ്ഞു.