ഇസ്‌ലാം സ്വീകരിച്ച മക്കയിലെ പ്രമാണിമാർ തങ്ങളിൽ തന്നെ ആഴമേറിയതും വിപ്ലവകരവുമായ ഒരു ആത്മീയ മാറ്റം വരുത്തിയിരുന്നു. ഹദ്റത്ത് ഉമര്‍(റ)ന്റെ ഖിലാഫത്ത് കാലത്ത് മക്കയിലെ പ്രമാണിമാരിൽ നിന്ന് ഇസ്‌ലാം സ്വീകരിച്ചവർ തങ്ങളേക്കാൾ കൂടുതൽ മുന്‍ കാലത്ത് അടിമകളായിരുന്നവരെ ഊഷ്മളമായി സ്വാഗതം ചെയ്യുകയും ശ്രദ്ധ നൽകുകയും ചെയ്യുന്നത് കണ്ട് അസ്വസ്ഥരായിരുന്നു.
ഇതിനെക്കുറിച്ച് ഹദ്റത്ത് ഉമർ(റ) യോട് ചോദിച്ചപ്പോൾ നബിതിരുമേനി(സ)യുടെ കാലഘട്ടത്തിൽ ആദരിക്കപ്പെട്ട ആളുകയിരുന്നു എന്ന് അദ്ദേഹം പറഞ്ഞു. ഇസ്‌ലാമിനോടുള്ള എതിർപ്പ് കാരണം തങ്ങളുടെ പൂർവ്വികർ തങ്ങളുടെ പേരിന് അപമാനം വരുത്തിയെന്ന് തങ്ങൾക്ക് അറിയാമെന്നും, അതിനാൽ ഇത് എങ്ങനെ പരിഹരിക്കാനാകുമെന്നും അവർ ചോദിച്ചു. സിറിയയിൽ അക്കാലത്ത് നടന്നിരുന്ന യുദ്ധങ്ങളിൽ പങ്കെടുത്താൽ അവരുടെ കുടുംബനാമത്തിൽ നിന്ന് ആ കളങ്കം നീക്കം ചെയ്യാൻ കഴിയുമെന്ന് ഹദ്റത്ത് ഉമർ(റ) അവരോട് സൂചിപ്പിച്ചു. അങ്ങനെ അവർ ആ യുദ്ധങ്ങളിൽ പങ്കെടുക്കാൻ പോയി. അതിന്റെ( ഫലമായി അവരിൽ പലരും രക്തസാക്ഷികളായി. അങ്ങനെ അവരുടെ കുടുംബത്തിന്റെ പേരിന് ബഹുമാനം പുനഃസ്ഥാപിച്ചു. യുദ്ധാവസാനത്തിൽ മുസ്‌ലീങ്ങൾ ഗുരുതരമായി പരിക്കേറ്റ 12 മുസ്‌ലീങ്ങളെ കണ്ടെത്തി. അവരിൽ ഇക്‌രിമയും ഉണ്ടായിരുന്നു. അദ്ദേഹത്തിന് വെള്ളം നല്കാനായി ഒരു വ്യക്തി അദ്ദേഹത്തിനടുത്ത് പോയി. ഇക്‌രിമ ചുറ്റും നോക്കിയപ്പോൾ ഹദ്റത്ത് അബ്ബാസ്(റ)യുടെ മകനും പരിക്കേറ്റതായി കണ്ടു. പ്രവാചകൻ(സ)യെ എതിർക്കുന്ന സമയത്ത് തന്നെ പിന്തുണച്ചവരുടെ മുമ്പിൽ വെള്ളം കുടിക്കാൻ തനിക്ക് കഴിയില്ലെന്ന് ഇക്‌രിമ പറഞ്ഞു. വെള്ളം ഫദ്ൽ ബിൻ അബ്ബാസ്(റ)ന് നൽകണമെന്ന് പറഞ്ഞു. വെള്ളം നൽകാനായി വന്ന വ്യക്തി ഫദ്ൽ ബിൻ അബ്ബാസ്(റ)ന്റെ അടുത്തെത്തി. അദ്ദേഹം അടുത്ത വ്യക്തിക്ക് ആദ്യം വെള്ളം നൽകണമെന്ന്‍ പറഞ്ഞു., തുടർന്ന് അടുത്ത വ്യക്തി അടുത്തയാൾക്ക് നൽകണമെന്ന് പറഞ്ഞു. അങ്ങനെ അവസാനം എല്ലാവരും ശഹീദായി.