‘സദുപദേശം’ വിശദീകരിക്കുമ്പോൾ, വാഗ്ദത്ത മസീഹ് (അ) വിശദീകരിച്ചു: ചോദ്യങ്ങൾക്കോ ആരോപണങ്ങൾക്കോ ഒരാൾ എപ്പോഴും സൗമ്യമായും ശാന്തമായും മറുപടി നൽകണം. മറ്റുള്ളവർ നമ്മോട് കടുപ്പമായി സംസാരിക്കുമ്പോൾ, അവർക്ക് ബൗദ്ധികമായി ഉറച്ചതോ തെളിവുകളുടെ പിൻബലമുള്ളതോ ആയ ഒന്നും പറയാനില്ലാത്തതുകൊണ്ടാണ് അവർ അങ്ങനെ ചെയ്യുന്നത്. നമ്മളും അതേ കടുപ്പത്തിൽ മറുപടി നൽകിയാൽ, നമുക്കും ശക്തമായ മറുപടിയില്ല എന്ന തോന്നൽ നൽകും. അതിനാൽ, എന്ത് വന്നാലും, സന്ദേശം പ്രചരിപ്പിക്കുമ്പോൾ നമ്മൾ എപ്പോഴും സൗമ്യതയോടും ശാന്തതയോടും പെരുമാരെണ്ടാതാണ്.

ചില സന്ദർഭങ്ങളിൽ വാഗ്ദത്ത മസീഹ്(അ) കടുപ്പമുള്ള ഭാഷ ഉപയോഗിച്ചു എന്ന് ചില എതിരാളികൾ ആരോപിക്കുന്നുണ്ട്. ഒന്നാമതായി, ഇത് സത്യമല്ലെന്നും വാഗ്ദത്ത മസീഹ്(അ) കടുത്ത ഭാഷ ഉപയോഗിച്ചിട്ടില്ലെന്നും അറിയണം. വാഗ്ദത്ത മസീഹ്(അ) ശക്തമായ മറുപടി നൽകിയിട്ടുണ്ടെങ്കിൽ, ചില സന്ദർഭങ്ങളിൽ എതിരാളികൾ കടുത്ത ഭാഷ ഉപയോഗിക്കുകയും അസ്വസ്ഥത പരത്താൻ ശ്രമിക്കുകയും ചെയ്തതിന്‍റെ ഫലമായി, എതിരാളികളുടെ മോശം പെരുമാറ്റങ്ങളും വഴിതെറ്റിയ വികാരങ്ങളും അടിച്ചമർത്താൻ യുക്തി ആവശ്യപ്പെട്ടതുകൊണ്ടാണ് ശക്തമായ മറുപടി നൽകിയത്.

അത്തരം ശക്തമായ പ്രതികരണങ്ങൾ വ്യക്തിപരമായ വികാരങ്ങളുടെയോ കോപത്തിന്‍റെയോ ഫലമായിരുന്നില്ല. മറിച്ച് ‘ഏറ്റവും നല്ല നിലയിൽ അവരുമായി സംവദിക്കുകയും ചെയ്യുക’ എന്ന ഭാഗത്തിന് കീഴിലുള്ള പ്രതികരണങ്ങളായിരുന്നു എന്നും വാഗ്ദത്ത മസീഹ്(അ) വ്യക്തമാക്കിയിട്ടുണ്ട്. കൂടാതെ, ഇസ്‌ലാമിനും തിരുനബി ﷺ ക്കുമെതിരെ മോശം ഭാഷ ഉപയോഗിക്കുന്നതിൽ എതിരാളികൾ എല്ലാ പരിധികളും ലംഘിച്ചപ്പോൾ മാത്രമായിരുന്നു അത്തരം സന്ദർഭങ്ങൾ ഉണ്ടായത്. വളരെ പ്രത്യേക സാഹചര്യങ്ങളിൽ മാത്രമാണ് താൻ ശക്തമായ പ്രതികരണങ്ങൾ ഉപയോഗിച്ചതെന്നും അദ്ദേഹം വിശദീകരിച്ചു. സന്ദേശം പ്രചരിപ്പിക്കുമ്പോൾ എപ്പോഴും സൗമ്യതയും ദയയും ഉപയോഗിക്കാൻ അദ്ദേഹം തന്‍റെ സമുദായത്തോട് കൽപ്പിച്ചു

മറ്റ് മതക്കാരോടോ അഹ്‌മദിയല്ലാത്ത മുസ്‌ലിങ്ങളോടോ സംസാരിക്കുമ്പോൾ, എപ്പോഴും ദയ കാണിക്കണമെന്നും, ഒരു കാരണവശാലും കടുപ്പമായി സംസാരിക്കുന്നതിലേക്ക് വികാരാധീനരാകരുതെന്നും വാഗ്ദത്ത മസീഹ്(അ) കൽപ്പിച്ചു എന്ന് ഹുദൂർ തിരുമനസ്സ് പറഞ്ഞു.

അതുപോലെ, രണ്ടാം ഖലീഫ(റ) വിശുദ്ധ ഖുർആൻ നിർദ്ദേശിച്ചതുപോലെ എപ്പോഴും യുക്തി ഉപയോഗിക്കണമെന്ന് വിശദീകരിച്ചിട്ടുണ്ട്. കാരണം, യുക്തിയില്ലാതെ ഒരാൾ വികാരാധീനനാകുമ്പോൾ, അവരുടെ സന്ദേശം ഫലപ്രദമല്ലാതാവുകയും ഉദ്ദേശിച്ച ഫലത്തിന് വിപരീതമാവുകയും ചെയ്യും. അജ്ഞതയെ ചെറുക്കുന്നതിനെയും യുക്തി സൂചിപ്പിക്കുന്നു. അതിനാൽ, സന്ദേശം പ്രചരിപ്പിക്കുമ്പോൾ യുക്തി ഉപയോഗിക്കുക എന്നാൽ, മറ്റുള്ളവരുടെ അജ്ഞത നീക്കം ചെയ്യുന്ന രീതിയിൽ സംസാരിക്കുക മാത്രമല്ല, അവരുടെ അറിവിന്‍റെ നിലവാരത്തിനനുസരിച്ച് മനസ്സിലാക്കാൻ കഴിയുന്ന രീതിയിൽ സംസാരിക്കുക എന്നുമാണ്.

ചിലപ്പോൾ ആളുകൾ തങ്ങളുടെ സന്ദേശം അലങ്കാരിക പ്രയോഗങ്ങളിലൂടെ കൈമാറാൻ ശ്രമിക്കും, അത് മറ്റുള്ളവർക്ക് മനസ്സിലാകണമെന്നില്ല, എന്നാൽ സംസാര രീതിയിൽ അവർ സ്വാധീനിക്കപ്പെടാം. എന്നിരുന്നാലും, പ്രത്യേകിച്ച് വലിയ ഒത്തുചേരലുകളിൽ, മനസ്സിലാക്കാൻ എളുപ്പമുള്ള ഭാഷ ഉപയോഗിക്കുന്നത് കൂടുതൽ ആളുകൾക്ക് സന്ദേശം മനസ്സിലാക്കാനും കേവലം വാക്കുകൾ കേൾക്കുന്നതിന് പകരം അതിൽ ശ്രദ്ധ കേന്ദ്രീകരിക്കാനുമുള്ള സാധ്യത വർദ്ധിപ്പിക്കുന്നു

പ്രചരിപ്പിക്കുമ്പോൾ ചില കാര്യങ്ങൾ ആളുകൾ അതിശയോക്തിപരമായി പറയുകയോ തെറ്റായ സന്ദേശം കൈമാറുകയോ ചെയ്യാറുണ്ട് എന്നും രണ്ടാം ഖലീഫ(റ) വിശദീകരിച്ചിട്ടുണ്ട്. എന്നാൽ അതിശയോക്തിയുടെ ആവശ്യമില്ല; വിശുദ്ധ ഖുർആനിലെയും തിരുനബി ﷺ യുടെയും അധ്യാപനങ്ങളിൽ ശ്രദ്ധ കേന്ദ്രീകരിക്കുക മാത്രമാണ് ആവശ്യം.

വിശുദ്ധ ഖുർആനിൽ അല്ലാഹു പറയുന്നു: “നിങ്ങൾ നേർമാർഗ്ഗം പ്രാപിച്ചിട്ടുണ്ടെങ്കിൽ, വഴിതെറ്റിപ്പോകുന്നവർ നിങ്ങൾക്ക് ദോഷം വരുത്തുകയില്ല.” (വിശുദ്ധ ഖുർആൻ, 5:106)

അതുകൊണ്ട്, സത്യത്തിൽ വേരൂന്നാത്ത എന്തെങ്കിലും പറയുന്നതിലൂടെ, സത്യമല്ലാത്ത എന്തെങ്കിലും പറയാൻ ഒരാൾക്ക് കഴിയുമെന്ന് കരുതരുത്. പകരം, ഒരാൾ സത്യം നിലനിർത്തുകയും മറ്റൊരാളുടെ മാർഗ്ഗദർശനം ദൈവത്തിന് വിടുകയും വേണം.

സമയത്തിനും സ്ഥലത്തിനും അനുയോജ്യമായത് പറയുന്നതിനെയും യുക്തി സൂചിപ്പിക്കുന്നു എന്നും രണ്ടാം ഖലീഫ(റ) വിശദീകരിച്ചിട്ടുണ്ട്. അതിനാൽ, തങ്ങൾ സംസാരിക്കുന്ന വ്യക്തിയുടെ കോപം ആളിക്കത്തിക്കാൻ സാധ്യതയുണ്ടെന്ന് അറിയാവുന്ന എന്തെങ്കിലും പറയുന്നതിനു പകരം, അവർക്ക് ശാന്തമായ രീതിയിൽ കേൾക്കാൻ കഴിയുന്ന രീതിയിലും കാര്യങ്ങളെക്കുറിച്ചും സംസാരിക്കണം.

ലോകത്തിന് ഇസ്‌ലാമിന്‍റെ യഥാർത്ഥ സന്ദേശം കൈമാറേണ്ടത് ഇന്ന് അഹ്‌മദിയ്യ മുസ്‌ലിം ജമാഅത്തിന്‍റെ കടമയാണ്. ഈ മതം കേവലം വാദങ്ങളെ അടിസ്ഥാനമാക്കിയുള്ളതല്ല, മറിച്ച് ഒരാൾ നടപ്പിലാക്കേണ്ട വിവിധ രൂപത്തിലുള്ള ഉപദേശങ്ങളെയും മാർഗ്ഗനിർദ്ദേശങ്ങളെയും അടിസ്ഥാനമാക്കിയുള്ളതാണ് എന്ന് നാം മറ്റുള്ളവരെ അറിയിക്കണം. വ്യാജ വികാരങ്ങൾ ആളിക്കത്തിക്കുന്നതിന് പകരം യുക്തി ഉപയോഗിച്ച്, നമ്മെ ശ്രദ്ധിക്കുന്ന വ്യക്തിക്ക് മനസ്സിലാക്കാൻ കഴിയുന്ന തരത്തിൽ സംസാരിക്കുകയും കാര്യങ്ങൾ കൈമാറുകയും വേണം.

വിശുദ്ധ ഖുർആനിൽ അല്ലാഹു പറയുന്നു: “തീർച്ചയായും നിന്‍റെ രക്ഷിതാവ് തന്‍റെ മാർഗ്ഗത്തിൽ നിന്ന് തെറ്റിപ്പോയവരെപ്പറ്റി നന്നായി അറിയുന്നവനാണ്; നേർമാർഗ്ഗം പ്രാപിച്ചവരെക്കുറിച്ചും അവൻ നന്നായി അറിയുന്നു.” (വിശുദ്ധ ഖുർആൻ, 16:126)

മറ്റൊരു വിധത്തിൽ പറഞ്ഞാൽ, യുക്തിയോടെ സന്ദേശം പ്രചരിപ്പിക്കുന്നത് തുടരണം. അതേസമയം, തങ്ങളുടെ ശ്രമങ്ങൾ ഫലപ്രദമല്ലെന്ന് തോന്നുകയോ തങ്ങൾക്ക് ഒന്നുമറിയില്ലെന്ന് തോന്നുകയോ ചെയ്താൽ നിരുത്സാഹപ്പെടരുത്. സന്ദേശം സ്വീകരിക്കുന്ന വ്യക്തിയുടെ മേലും ഉത്തരവാദിത്തമുണ്ട്. സന്ദേശം പ്രചരിപ്പിക്കുക എന്നതാണ് നമ്മുടെ കടമയെന്നും, ആത്യന്തികമായി ആളുകളെ നയിക്കുന്നത് ദൈവമാണെന്നും അല്ലാഹു പറയുന്നു.