ഇന്നത്തെ ഭീഷണി ലോകത്തിന് വളരെ വലുതാണ്. എല്ലാവരും അവരവരുടെ വ്യക്തിപരമായ താൽപ്പര്യങ്ങളിലും നേട്ടങ്ങളിലുമാണ് കൂടുതൽ ശ്രദ്ധ ചെലുത്തുന്നത്. ഒരാൾ സ്വാർത്ഥനാകുമ്പോൾ അവർക്ക് തന്നെക്കുറിച്ച് അല്ലാതെ മറ്റാരെക്കുറിച്ചും ചിന്തിക്കാൻ കഴിയില്ല. ഇന്നത്തെ ലോകത്ത് സ്വന്തം അവകാശങ്ങൾ തേടുക മാത്രമല്ല ചെയ്യേണ്ടത്, മറിച്ച് മറ്റുള്ളവരുടെ അവകാശങ്ങളെയും മനുഷ്യർ ബഹുമാനിക്കണം. അതുകൊണ്ട് മുസ്‌ലിം ലോകത്തോട് നീതി പുലർത്താൻ പറയണം, എങ്കിൽ മാത്രമേ ലോകത്ത് സമാധാനം സ്ഥാപിക്കാൻ കഴിയൂ

ഈ പരിസമാപ്തിയെക്കുറിച്ച് ഞാൻ വളരെക്കാലമായി ലോകത്തിന് മുന്നറിയിപ്പ് നൽകിക്കൊണ്ടിരിക്കുകയാണ്. ഖലീഫ തിരുമനസ്സിന് ലോകത്തെക്കുറിച്ച് വളരെ അശുഭകരമായ കാഴ്ചപ്പാടാണുള്ളതെന്ന് പറയുകയോ പരിഹസിക്കുകയോ ചെയ്തവർ തന്നെ, കുറച്ച് വർഷങ്ങൾക്ക് മുമ്പ് അസാധ്യമെന്ന് അവർ കരുതിയത് യാഥാർത്ഥ്യമായി മാറുന്നു എന്ന് ഇപ്പോൾ ഈ യുദ്ധങ്ങൾ പൊട്ടിപ്പുറപ്പെട്ടപ്പോൾ അംഗീകരിക്കുന്നു. ലോകമഹായുദ്ധം ആരംഭിച്ചുവെന്നും അത് തീവ്രമാകുകയേയുള്ളൂവെന്നും അമേരിക്കൻ, യൂറോപ്യൻ നിരീക്ഷകരും പറയുന്നു. ഈ രാഷ്ട്രങ്ങൾ സ്വന്തം താൽപ്പര്യങ്ങൾ മാത്രം ലക്ഷ്യമിടുന്നത് തുടരുകയാണെങ്കിൽ ഈ യുദ്ധങ്ങൾ വർദ്ധിക്കുകയേയുള്ളൂ.

പശ്ചിമേഷ്യയിലെ നിലവിലെ യുദ്ധത്തെ സംബന്ധിച്ച് അത് ഇറാനെ അമേരിക്ക ആക്രമിച്ചതോടെയാണ് ആരംഭിച്ചതെന്ന് പറയുന്നു. തങ്ങൾ ആക്രമിക്കപ്പെട്ടാൽ അറബ് രാജ്യങ്ങളിലെ അമേരിക്കൻ താവളങ്ങളെ ആക്രമിക്കുമെന്ന് ഇറാൻ വ്യക്തമായി മുന്നറിയിപ്പ് നൽകിയിരുന്നു. അമേരിക്ക ഇറാനെ ആക്രമിക്കാനും അവരുടെ ഉപജീവനമാർഗം നശിപ്പിക്കാനും നിരപരാധികളെ കൊല്ലാനും അവരുടെ ആത്മീയ നേതാവിനെ കൊല്ലാനും മുതിർന്നു. നിലവിലുള്ള ഭരണകൂടത്തെ പിഴുതെറിയാനും ഇറാനിയൻ ജനതയ്ക്ക് സ്വാതന്ത്ര്യം നൽകാനുമാണ് തങ്ങൾ ഇത് ചെയ്തതെന്ന് അമേരിക്ക പറഞ്ഞു. എന്നാൽ ഇറാനെ അല്പമെങ്കിലും എതിർത്തിരുന്നവർ പോലും അതിന് അനുകൂലമായി മാറാൻ തുടങ്ങിയിരിക്കുന്നു എന്നതാണ് ഫലം. അവരുടെ കാഴ്ചപ്പാടിൽ ഖാംനയിയെ ഒരു രക്തസാക്ഷിയാക്കി മാറ്റുകയും രാജ്യത്ത് അദ്ദേഹത്തോടുള്ള ബഹുമാനം വർദ്ധിക്കുകയും ചെയ്തു. അദ്ദേഹത്തിന്റെ മക്കൾ കൊല്ലപ്പെട്ടു, വാസ്തവത്തിൽ അദ്ദേഹത്തിന്റെ കുടുംബം മുഴുവൻ കൊല്ലപ്പെട്ടു. ഒരു ഭരണമാറ്റത്തിന് പകരം അത് ജനങ്ങളുടെ കണ്ണിൽ അദ്ദേഹത്തോടുള്ള ബഹുമാനം വർദ്ധിപ്പിക്കുക മാത്രമാണ് ചെയ്തത്. ഇതിന് മറുപടിയായി അറബ് രാജ്യങ്ങളിലെ പാശ്ചാത്യ താവളങ്ങളെ ഇറാൻ ആക്രമിച്ചു. സൗദി അറേബ്യയിലെ എണ്ണക്കിണറുകൾ ഇറാൻ ആക്രമിച്ചാൽ കൂടുതൽ നടപടിയെടുക്കുമെന്ന് അമേരിക്ക മുന്നറിയിപ്പ് നൽകുകയും ചില എണ്ണക്കിണറുകൾക്ക് നേരെ ഇറാൻ ആക്രമണം നടത്തിയെന്ന് അവകാശപ്പെടുകയും ചെയ്തു. എന്നാൽ തങ്ങൾ ഒരിക്കലും ആ ആക്രമണങ്ങൾ നടത്തിയിട്ടില്ലെന്നും അതിന് ഉദ്ദേശമില്ലെന്നും ഇറാൻ പ്രതികരിക്കുകയും വ്യക്തമാക്കുകയും ചെയ്തു.

ഇവയെല്ലാം മുസ്‌ലിംകളോട് കൂടുതൽ വിദ്വേഷം സൃഷ്ടിക്കാനുള്ള തന്ത്രങ്ങളാണ്. നേരത്തെ പറഞ്ഞതുപോലെ, അമേരിക്കയും ഇസ്രായേലും ഈ ആക്രമണങ്ങൾ സ്വയം നടത്തുകയും പിന്നീട് ഇറാന്റെ മേൽ കുറ്റം ചുമത്തുകയും ചെയ്യുമെന്ന് ഒരു അറബ് പത്രപ്രവർത്തകൻ അഭിപ്രായപ്പെട്ടിരുന്നു. അതിനാൽ മുസ്‌ലിം ലോകം വളരെ ജാഗ്രതയോടെ നീങ്ങണം. ​ഈ സാഹചര്യങ്ങളിൽ വേദനിക്കുന്ന അഹ്മദികൾ എന്ന നിലയിൽ, ആളുകൾക്ക് മുന്നറിയിപ്പ് നൽകാനും അവർക്കായി പ്രാർത്ഥിക്കാനുമല്ലാതെ മറ്റൊന്നിനുമുള്ള ശക്തി നമുക്കില്ല. സംഭവിക്കുന്നതെല്ലാം തെറ്റാണെന്ന് നാം അവർക്ക് വിശദീകരിച്ചുകൊടുക്കണം. ഇസ്‌ലാമിക ഭരണകൂടങ്ങൾ ഇപ്പോഴെങ്കിലും മനസ്സിലാക്കുകയും സ്വന്തം നേട്ടം മാത്രം നോക്കാതെ മുസ്‌ലിം ലോകത്തിന്റെ മുഴുവൻ നേട്ടത്തിനായി ശ്രദ്ധ കേന്ദ്രീകരിക്കുകയും ചെയ്താൽ അവർക്ക് ഇപ്പോഴും രക്ഷപ്പെടാം.

സാഹിബ്സാദി അമത്തുൽ ജമീൽ:

ഒന്നാമതായി രണ്ടാം ഖലീഫ(റ)യുടെ ഇളയ മകളും പരേതനായ നാസിർ മുഹമ്മദ് സിയാൽ സാഹിബിന്റെ ഭാര്യയുമായിരുന്ന സാഹിബ്സാദി അമത്തുൽ ജമീൽ സാഹിബയുടെതാണ്. ഹദ്റത്ത് സയ്യിദ ഉമ്മു താഹിറായിരുന്നു അവരുടെ മാതാവ്. രണ്ടാം ഖലീഫ(റ)യാണ് അവരുടെ വിവാഹ പ്രഖ്യാപനം നടത്തിയത്. ഒരു മകനും മൂന്ന് മകളുമടക്കം നാല് മക്കളാണ് അവർക്ക്. അവർ പാവപ്പെട്ടവരെയും ദരിദ്രരെയും പരിചരിച്ചിരുന്നു. രണ്ടാം ഖലീഫ(റ)യുടെ ജീവിതത്തിൽ നിന്നുള്ള പല കാര്യങ്ങളും അവർ വിവരിക്കാറുണ്ടായിരുന്നു. ഒരിക്കൽ, അവർ തന്റെ ഷൂസ് രണ്ടാം ഖലീഫ(റ)യുടെ ഷൂസിന് അരികിൽ വെച്ചു. കാരണം സാധാരണയായി അദ്ദേഹം ഷൂസ് പുറത്ത് വെക്കുമ്പോൾ ആരെങ്കിലും അത് വൃത്തിയാക്കാറുണ്ടായിരുന്നു. എന്നാൽ രണ്ടാം ഖലീഫ (റ) മറ്റൊരു ജോഡി ഷൂസ് കണ്ടപ്പോൾ അത് ആരുടേതാണെന്ന് ചോദിച്ചു. അത് തന്റേതാണെന്ന് പറഞ്ഞപ്പോൾ, സ്വന്തം ഷൂസ് പോളിഷ് ചെയ്യാൻ കഴിയുന്നില്ലെങ്കിൽ അത് തനിക്ക് തരണമെന്നും താൻ അവ പോളിഷ് ചെയ്തുതരാമെന്നും പറഞ്ഞു. എന്നാൽ ജമാഅത്തിലെ ഒരു പ്രവർത്തകനെക്കൊണ്ട് അത് ചെയ്യിക്കരുതെന്നും അദ്ദേഹം പറഞ്ഞു. ജമാഅത്ത് പ്രവർത്തകരോട് രണ്ടാം ഖലീഫ(റ)യ്ക്ക് ഉണ്ടായിരുന്ന ബഹുമാനവും ആദരവുമാണ് ഈ സംഭവം കാണിക്കുന്നത്. അവർക്ക് ഏഴ് വയസ്സുള്ളപ്പോഴാണ് മാതാവ് അന്തരിച്ചത്. തന്റെ ഏഴ് വയസ്സുള്ള മകൾ സങ്കടത്താൽ വിലപിക്കുന്നത് കണ്ട് രണ്ടാം ഖലീഫ (റ) അവളുടെ അടുത്ത് ചെന്ന് മാതാവ് അല്ലാഹുവിന്റെ വീട്ടിലേക്കാണ് പോയതെന്നും അവിടെ അവർക്ക് വിശ്രമം ലഭിക്കുമെന്നും ഇത് അല്ലാഹുവിന്റെ ഹിതമാണെന്നും പറഞ്ഞ് അവളെ ആശ്വസിപ്പിച്ചു. അദ്ദേഹം വിശദീകരിച്ചുകൊണ്ട് പറഞ്ഞു, നബിതിരുമേനി(സ)യും അവളുടെ മുത്തച്ഛനായ വാഗ്ദത്ത മസീഹും (അ) അന്തരിച്ചു. അവളുടെ മാതാവ് അവരെക്കാൾ വലിയ പദവിയിലാണോ എന്ന് അദ്ദേഹം ചോദിച്ചു. തുടർന്ന് ദൈവത്തിന്റെ തണൽ തന്റെ മകളെ ഒരു നിമിഷം പോലും വിട്ടുപോകാതിരിക്കട്ടെ എന്ന് പ്രാർത്ഥിച്ചു. ഈ പ്രാർത്ഥനയ്ക്ക് ശേഷം അവൾ പിന്നീട് ഒരിക്കലും സങ്കടത്താൽ കരഞ്ഞില്ല. പിറ്റേദിവസം അവരുടെ മൂത്ത സഹോദരി കരയുമ്പോൾ, ഇത് അല്ലാഹുവിന്റെ ഹിതമാണെന്ന് പിതാവ് നേരത്തെ വിശദീകരിച്ചിട്ടും സഹോദരി കരയുന്നത് എന്തിനാണെന്ന് അമത്തുൽ ജമീൽ സാഹിബ ചോദിച്ചു.

അവർ സാമ്പത്തിക ത്യാഗങ്ങൾ പതിവായി ചെയ്യുന്നവരും അയൽക്കാരോട് ദയയുള്ളവരുമായിരുന്നു. പരിസമാപ്തി ശുഭകരമാകാൻ അവർ എപ്പോഴും പ്രാർത്ഥനകൾക്ക് അഭ്യർത്ഥിക്കുമായിരുന്നു. പ്രാർത്ഥനയിൽ ധാരാളം സമയം ചെലവഴിക്കുകയും മറ്റുള്ളവർക്കായി പതിവായി പ്രാർത്ഥിക്കുകയും ചെയ്യുമായിരുന്നു. അല്ലാഹു അവർക്ക് പാപമോചനവും കരുണയും നൽകട്ടെ എന്ന് ഖലീഫ തിരുമനസ്സ് പ്രാർത്ഥിച്ചു.

ഡോക്ടർ റാഷിദ് അഹ്‌മദ് ഖാൻ:

ഹോളണ്ടിലെ ഡോക്ടർ റാഷിദ് അഹ്‌മദ് ഖാൻ സാഹിബിന്റെതാണ് അടുത്തത്. അദ്ദേഹത്തിന് നാല് ആൺമക്കളും നാല് പെൺമക്കളുമാണ് ഉള്ളത്. അദ്ദേഹം ഭക്തനും ദൈവഭയമുള്ള ആളും കുടുംബത്തോട് നല്ല രീതിയിൽ പെരുമാറുന്ന ധീരനും പൗരുഷമുള്ള വ്യക്തിയുമായിരുന്നു. ഖിലാഫത്തിനോട് അങ്ങേയറ്റം കൂറുപുലർത്തുന്ന, ഏത് ത്യാഗത്തിനും സന്നദ്ധനായിരുന്ന വ്യക്തിയായിരുന്നു. പാവപ്പെട്ടവരും അശരണരുമായ നിരവധി ആളുകളെ അദ്ദേഹം നിശബ്ദമായി സഹായിച്ചു. സർഹദ് പ്രവിശ്യയിലെ അഹ്‌മദികളുമായി ബന്ധം സ്ഥാപിക്കാൻ രണ്ടാം ഖലീഫ (റ) അദ്ദേഹത്തെ ചുമതലപ്പെടുത്തിയിരുന്നു. ഇസ്‌ലാം അഹ്‌മദിയ്യത്തിന്റെ സന്ദേശം പ്രചരിപ്പിക്കുന്നതിൽ അദ്ദേഹത്തിന് വലിയ താൽപ്പര്യമുണ്ടായിരുന്നു. അതിന്റെ ഫലമായി അദ്ദേഹത്തിനെതിരെ കള്ളക്കേസ് ചുമത്തപ്പെടുകയും വിവിധ ബുദ്ധിമുട്ടുകൾ നേരിടേണ്ടി വരുകയും ചെയ്തിട്ടുണ്ട്. ഒരിക്കൽ ഒരു ജനക്കൂട്ടം അദ്ദേഹത്തെ മർദിക്കുകയും ശരീരത്തിലെ മിക്കവാറും എല്ലുകളും ഒടിക്കുകയും മരണപ്പെട്ടു എന്ന് കരുതി ഒഴിവാക്കുകയും ചെയ്തു. അദ്ദേഹത്തിന് എങ്ങനെ ജീവൻ നിലനിർത്താൻ സാധിച്ചു എന്നതിൽ ഡോക്ടർമാർ അത്ഭുതപ്പെട്ടു. അദ്ദേഹത്തെ മോർച്ചറിയിലേക്ക് കൊണ്ടുപോവുകയായിരുന്നു. എന്നാൽ ദൈവം അദ്ദേഹത്തെ ജീവനോടെ നിലനിർത്താൻ ഉദ്ദേശിക്കുകയും അദ്ദേഹത്തിന് ഒരു പുതിയ ജീവിതം നൽകുകയും ചെയ്തു. അല്ലാഹു അദ്ദേഹത്തിന് പാപമോചനവും കരുണയും നൽകട്ടെ എന്നും സ്വർഗത്തിൽ അദ്ദേഹത്തിന്റെ പദവി ഉയർത്തട്ടെ എന്നും അദ്ദേഹത്തിന്റെ സൽഗുണങ്ങളുടെ പൈതൃകം മുന്നോട്ട് കൊണ്ടുപോകാൻ അദ്ദേഹത്തിന്റെ മക്കളെ പ്രാപ്തരാക്കട്ടെ എന്നും ഖലീഫ തിരുമനസ്സ് പ്രാർത്ഥിച്ചു.

സൈനബ് ബീവി:

പരേതനായ ബഷീർ അഹ്‌മദ് സാഹിബിന്റെ ഭാര്യയായിരുന്ന സൈനബ് ബീവിയുടേതാണ് അടുത്തത്. അവർ പതിവായി നമസ്കരിക്കുകയും വിശുദ്ധ ഖുർആൻ പാരായണം ചെയ്യുകയും ചെയ്തിരുന്നു. ഖിലാഫത്തിനോട് അഗാധമായ സ്നേഹമുണ്ടായിരുന്നു. പാവപ്പെട്ടവരെ സഹായിക്കുമായിരുന്നു. അവർക്ക് മൂന്ന് ആൺമക്കളും നാല് പെൺമക്കളുമാണുള്ളത്. അവരുടെ പെൺമക്കളിൽ ഒരാൾ സാംബിയയിൽ സേവനമനുഷ്ഠിക്കുന്ന ഒരു മിഷനറിയുടെ ഭാര്യയാണ്. അവർക്ക് മാതാവിന്റെ മയ്യിത്ത് നമസ്കാരത്തിൽ പങ്കെടുക്കാൻ കഴിഞ്ഞില്ല. അല്ലാഹു അവർക്ക് ക്ഷമ നൽകട്ടെ എന്നും പരേതയ്ക്ക് പാപമോചനവും കരുണയും നൽകട്ടെ എന്നും ഖലീഫ തിരുമനസ്സ് പ്രാർത്ഥിച്ചു.