വാഗ്ദത്ത മസീഹ്(അ)നെ ഉദ്ധരിച്ചുകൊണ്ട് ഖലീഫാ തിരുമനസ്സ്  പറയുന്നു: അല്ലാഹു പറയുന്നു എന്‍റെ ദാസന്മാർ എന്‍റെ അസ്തിത്വത്തെ സംബന്ധിച്ച് തെളിവ് ആവശ്യപ്പെടുകയും ദൈവത്തെ എങ്ങനെ മനസ്സിലാക്കാം എന്നും ചോദിക്കുന്ന പക്ഷം അതിനുള്ള മറുപടി ഇതാകുന്നു. അല്ലാഹു പറയുന്നു, ഞാന്‍ വളരെ സമീപസ്ഥനാണ്. നാം അവനെ വിളിക്കുന്ന  പക്ഷം  നമ്മുടെ പ്രാർത്ഥനകൾക്കുള്ള ഉത്തരങ്ങളിലൂടെ നമുക്ക് അവനെ കണ്ടെത്താൻ കഴിയുന്നു. മറ്റു മതസ്ഥരുടെ  ദൈവം സമീപസ്ഥനല്ല. അതിനാൽ, ഒരാൾ ആത്മാർത്ഥമായ ഹൃദയത്തോടെ അല്ലാഹുവിനെ വിളിക്കുമ്പോൾ അവർക്ക് അവനെ കണ്ടെത്താനും അവനോടുള്ള സ്നേഹം വർദ്ധിപ്പിക്കാനും സാധിക്കുന്നു. അല്ലാഹു നമ്മുടെ ദുആകൾക്ക് ഉത്തരം നൽകുന്നു എന്നത് ദൈവീക അസ്തിത്വത്തിനുള്ള തെളിവാണ്.

വാഗ്ദത്ത മസീഹ്(അ)നെ ഉദ്ധരിച്ചുകൊണ്ട് ഖലീഫാ തിരുമനസ്സ്  തുടർന്ന് പറയുന്നു: അല്ലാഹുവിന്‍റെ അടയാളങ്ങൾ കാണുന്നത് അവനെ തിരിച്ചറിയാനുള്ള മാർഗമാണ്. എന്നിരുന്നാലും, ഒരു വ്യക്തിക്കും അല്ലാഹുവിനുമിടയിൽ ഒരു തടസ്സം നിലനിൽക്കുന്നുണ്ടെങ്കിൽ, അവർക്ക് അവനെ കേൾക്കാനോ അവന്‍റെ അടയാളങ്ങൾ കാണാനോ കഴിയില്ല. അതിനാൽ, ദൈവത്തോടുള്ള സ്നേഹം വർധിപ്പിക്കുകയും അവനുമായി അടുത്ത ബന്ധം സ്ഥാപിക്കുകയും ചെയ്യുക  എന്നതാണ് അതിനുള്ള പ്രതിവിധി. അങ്ങനെ ഒരു തടസ്സവുമില്ലാതെ ഒരാൾക്ക് ദൈവത്തെ കേൾക്കാനും അവന്‍റെ അടയാളങ്ങൾ കാണാനും സാധിക്കുന്നതാണ്.

വാഗ്ദത്ത മസീഹ്(അ)നെ ഉദ്ധരിച്ചുകൊണ്ട് ഖലീഫാ തിരുമനസ്സ്  തുടരുന്നു വിശ്വാസത്തിൽ വർദ്ധനവ് ഉണ്ടാകുന്നതിന് വേണ്ടി ഒരാൾ തുടര്‍ച്ചയായി ദുആയിൽ  മുഴുകേണ്ടതാണ്. ദുആ  മുഖേന ഒരു വ്യക്തിയുടെ ഉള്ളിൽ മാറ്റം സംജാതമാകുകയും അത്  ആത്യന്തികമായി അവരുടെ ശുഭപര്യവസാനത്തിലേക്ക് നയിക്കുകയും  ചെയ്യുന്നു.

ഇവ കേവലം പഴയ കഥകളല്ല. മറിച്ചു  ഈ കാലഘട്ടത്തിനും അവ  നമുക്ക് ഇത്തരം സംഭവങ്ങള്‍ കാണാം. ഇന്നും ദുആ  സ്വീകാര്യതക്കുള്ള നിരവധി ഉദാഹരണങ്ങൾ ലഭ്യമാണ്. നിരവധി ആളുകൾ തനിക്ക് എഴുതി അറിയിച്ച ദുആ സ്വീകാര്യതയുമായി ബന്ധപ്പെട്ട സംഭവങ്ങൾ മുൻപ് പലതവണ അവതരിപ്പിച്ചിട്ടിട്ടുണ്ടെന്ന്  ഖലീഫ തിരുമനസ്സ് പറയുകയുണ്ടായി.

റിവ്യൂ ഓഫ് റിലീജിയൻസ് ദൈവാസ്ത്തിത്വത്തെ കുറിച്ച് ഒരു പ്രോഗ്രാം [the God Summit] നടത്തുകയുണ്ടായി. അതിൽ നിരവധി ആളുകൾ ദുആ സ്വീകാര്യതയുമായി ബന്ധപ്പെട്ട തങ്ങളുടെ അനുഭവങ്ങൾ പങ്കുവെച്ചു. വാസ്‌തവത്തിൽ, വിശ്വാസ ധൗർബല്യമുള്ളവർക്കും ചിലസമയത്ത് ദുആ സ്വീകാര്യതയിലൂടെ അല്ലാഹു തന്‍റെ മഹത്തായ ശക്തി പ്രകടിപ്പിക്കുന്നു. ഇത് അല്ലാഹുവിനെ തിരിച്ചറിയാനും അവനുമായുള്ള ബന്ധം വർദ്ധിപ്പിക്കാനും ആളുകളെ പ്രേരിപ്പിക്കുന്നു.

വാഗ്ദത്ത മസീഹ് (അ)നെ ഉദ്ധരിച്ചുകൊണ്ട് ഖലീഫാ തിരുമനസ്സ്  തുടർന്ന് പറയുന്നു: സാധാരണ പ്രാർത്ഥനയും ദൈവീക  ജ്ഞാനം കരഗതമായതിനുശേഷമുള്ള പ്രാർത്ഥനയും തമ്മിൽ വളെരെയതികം  വ്യത്യാസമുണ്ട്‌. വേഗത്തിൽ നിർവഹിക്കുന്ന കേവലമായ പ്രാർത്ഥനകൾ യഥാർത്ഥ പ്രാർത്ഥനയായി മാറില്ല. മറിച്ച്, യഥാർത്ഥ  ദൈവീക ജ്ഞാനം കരഗതമാകുമ്പോൾ മാത്രമാണ് പ്രാർത്ഥനയുടെ ശക്തി ശരിക്കും അനുഭവിക്കാൻ സാധിക്കൂ. ഒരു വ്യക്തിയോട് അവരുടെ ആത്മാവ് അടുത്തിരിക്കുന്നതുപോലെ ദൈവം അവനോട് അടുക്കുന്നത് പ്രാർത്ഥനയിലൂടെയാണ്.